Xente que morreu no baño

Na Galipedia, a wikipedia en galego.

Esta é unha listaxe de xente que morreu no baño.

• Eglon, rei de Moab, Antigo Testamento, apuñalado por Ehud mentres calmaba as súas necesidades. Xuíces 3:1-31
• Agamenón, heroe da guerra de Troia, apuñalado por Clitemnestra, a súa muller, mentres tomaba un baño.
• Séneca (ca. 4 a.C. – 65), de acordo con Tácito suicidouse no seu baño para fuxir da persecución de Nerón.
• Cómodo, emperador romano (161 – 31 de decembro 192), estrangulado no baño polo gladiador Narciso.
• Heliogábalo, emperador romano (203 - 222), asasinado pola garda pretoriana xunto coa súa nai Xulia Soaemias cando buscaban agocharse na latrina imperial.
• Ario de Alexandría, fundador do arianismo (256 - 336), morreu no baño como consecuencia dun ataque de diarrea, probablemente resultado dun envelenamento.
• Edmundo II, rei de Inglaterra (989 - 1016), apuñalado no ventre cando estaba no baño.
• Xaime I, rei de Escocia (1394 - 1437), asasinado mentres tentaba fuxir polo sumidoiros a través do baño. Unha serventa tentou protexer o rei pechando a porta do baño e termando dela por dentro, pero os asasinos derrubárona e rompéronlle o brazo.
• Uesugi Kenxin (1530 - 1578), señor da guerra xaponés, morto mentres estaba sentado no baño.
• Henrique III, rei de Francia (1551 - 1589), asasinado por un monxe mentres saía do baño.
• Arthur Capell, primeiro conde de Essex (1631 - 1683), que se suicidou na Torre de Londres mentres estaba sentado no baño.
• Xurxo II, rei de Gran Bretaña e Irlanda (1683 - 1760), morreu dunha disección de aorta mentres usaba o baño.
• Jean-Paul Marat, revolucionario francés (1743 - 1793), apuñalado no baño por Charlotte Corday e inmortalizado nesa escena polo pintor David.
• Reginald Heber, bispo inglés e escritor de himnos (1783 - 1826), que morreu dunha apoplexía nun baño.
• Catarina a Grande, emperatriz de Rusia (1729 - 1796), encontrada inconsciente no baño, morreu dous días despois, na cama, de hemorraxia cerebral
• Sir John Sparrow David Thompson, primeiro ministro de Canadá (1845 - 1894), morreu dun ataque cardíaco mentres usaba o aseo no Castelo de Windsor, durante unha visita oficial á raíña Vitoria
• Mirza Ghulam Ahmad, fundador do movemento relixioso ahmadí (1835 - 1908), que supostamente morreu de cólera nun baño en Lahore.
• Todas as vítimas do asasino psicópata inglés George Joseph Smith (década de 1910): Beatrice Constance Annie, Alice Burnham e Margaret Elizabeth Lofty.
• Lupe Vélez, actriz mexicana (1908 - 1944), suicidio por inxestión de barbitúricos.
• María Montez, actriz dominicana (1912 - 1951), afogou na bañeira logo dun ataque cardíaco
• Dorothy Dandridge, actriz estadounidense (1922 - 1965), morreu de sobredose no baño do seu apartamento
• Lenny Bruce, cómico estadounidense (1925 - 1966), morreu de sobredose de morfina no aseo da súa mansión de Beverly Hills.
• Montgomery Clift, actor estadounidense (1920-1966), atopado morto no baño do seu apartamento en Manhattan.
• Evelyn Waugh, escritora inglesa (1903 - 1966)
• Charles Chaplin Jr., Actor estadounidense (1925 - 1968), morto dunha embolia no baño da súa avoa.
• Albert Dekker, actor estadounidense de reparto (1905 - 1968), que se afogou a si mesmo na ducha.
• Thomas Merton, monxe e escritor estadounidense nado en Francia (1915 – 1968), electrocutado por accidente, mentres tomaba un baño nun hotel de Bancoc.
• Judy Garland, actriz estadounidense (1922 - 1969), dunha sobredose en Londres
• Jim Morrison, líder do grupo The Doors (1943 - 1971), morreu dun ataque cardíaco no baño dun hotel en Paris.
• Louis Kahn, arquitecto estoniano (1901 - 1974), que faleceu dun ataque ao corazón nos baños da Estación Pennsylvania en Nova York.
• Elvis Presley, cantante estadounidense (1935 - 1977), morreu dun ataque cardíaco no seu baño en Memphis, Tennessee
• Claude François, cantante francés (1939 - 1978), electrocutouse ao tentar mover unha lámpada mentres tomaba un baño.
• Nancy Spungen, moza de Sid Vicious (1958 - 1978), apuñalada no baño.
• Richard Manuel, cantante e pianista de The Band (1943 - 1986), que se afogou coa cortina do baño nun motel.
• Walter Martin, pastor evanxélico estadounidense (1928 - 1989), que morreu dunha caída na bañeira.
• Jack Nance, actor estadounidense, (1943 - 1996), que morreu dun traumatismo na cabeza no baño da casa, dous días despois de que se vise envolto nunha liorta.
• Don Simpson, produtor de cinema estadounidense (1943 - 1996), morto dun ataque ao corazón no aseo.
• Hideto Matsumoto, cantante e guitarrista xaponés, membro do desaparecido grupo X-Japan. Morreu en 1998 estrangulado por unha toalla enganchada na porta do baño. Se foi homicidio ou suicidio é unha controversia aberta aínda hoxe.
• Edmond Safra, banqueiro (1932 - 1999), que morreu asfixiado no baño do seu luxoso apartamento en Montecarlo, durante un incendio.
• Robert Pastorelli, actor estadounidense (1954 - 2004), a quen atoparon no chan do baño logo dunha sobredose de heroína.
• Domino Harvey, modelo e cazadora de recompensas filla do actor Lawrence Harvey, a quen atoparon morta na bañeira cunha sobredose de fentanil.
• Eddie Guerrero, loitador profesional, (1967 - 2005), que sufriu un ataque ao corazón mentres lavaba os dentes, supostamente en relación cunha práctica continuada de dopaxe con esteroides.
• Kenneth Lay, empresario estadounidense, (1942 - 2006), que sufriu un ataque ao corazón no baño.