Xenebra (bebida)

Na Galipedia, a Wikipedia en galego.
Xenebra holandesa.

A xenebra ten a súa orixe en Schiedam. É unha bebida alcohólica obtida a base dun 30% de cebada e cereais, que despois de ser destilada se aromatiza con bagas de xenebreiro e outras herbas. A súa cor varía entre o dourado e o transparente. As plantas das que se extrae sométense a unha destilación especial, case ao baleiro, a fin de non prexudicar o bouquet. A súa gradación adoita alcanzar os 60º. Pode ser doce, semiseca ou seca.

A primeira receita da xenebra holandesa foi escrita a mediados do século XVII por Franciscus Sylvius da Boeel, profesor da Universidade de Medicamento de Leiden. Este médico tentaba obter un remedio para os cálculos biliares e afeccións renais mesturando alcol obtido de cebada, centeo e millo con bagas de xenebro. A este novo preparado chamouno Genievre («xenebro», en francés). O produto rapidamente gañou popularidade e a xente comezou a chamalo Genever.

Terminada a Guerra dos Países Baixos, os ingleses levaron á súa patria esta bebida e nomeárona Gin.

A isto hai que sumarlle os impostos ás bebidas estranxeiras promulgados por Guillermo III de Orange en 1688 e posteriormente pola raíña Ana en 1708. Estas medidas mantivéronse até o ano 1742 cando se decide equiparar os impostos dado o índice de alcoholismo reinante. Esta medida tomada pola raíña María de Inglaterra, fixo que caese a maior parte da industria quedando só as fábricas máis fortes.

Curiosidades[editar | editar a fonte]

Se a orixe da xenebra está na procura dun medicamento, o Gin Tonic é moi similar.

Cando o Imperio Británico estendíase por todo o mundo no século XVIII e especialmente pola India, a malaria neste país estaba a afectar moitísimo á poboación civil e os soldados invasores. Para combatela a Cadbury Schweppes (Famosa compañía hoxe en día polas súas bebidas gasificadas) en 1783 creou un remedio popular, a tónica; esencialmente auga con quinina, que é o elemento basee que elimina a malaria.

O problema que xurdiu era que esta bebida era moi amarga e os soldados para equilibrar o sabor mesturábana con xenebra Bombai que xa se destilaba na cidade do mesmo nome.

A tónica actual xa non contén a mesma cantidade de quinina, senón unha pequenísima dose que a fai refrescante soa e excelente co seu mellor acompañante, a xenebra.

Actualmente é a fórmula máis estendida no mundo de tomar xenebra.

Marcas[editar | editar a fonte]