Xabier Fortes

Xabier Fortes
	;
Biografía
Nacemento	7 de febreiro de 1966 (58 anos); Pontevedra, España
Datos persoais
País de nacionalidade	España
Educación	Universidade Complutense de Madrid
Actividade
Ocupación	xornalista , escritor
Lingua	Lingua galega
Familia
Pai	Xosé Fortes
Irmáns	Susana Fortes, Alberto Fortes e Ana Belén Fortes

Xabier Fortes López, nado en Pontevedra o 7 de febreiro de 1966, é un xornalista galego.

Traxectoria[editar | editar a fonte]

Licenciado en Ciencias da Información pola Universidade Complutense, realizou os seus primeiros traballos xornalísticos en RNE en Vigo, en 1988, e dous anos despois incorporouse a Televisión Española en Galicia, primeiro á delegación de Pontevedra e desde 1998 á de Santiago de Compostela, onde comezou o seu labor como editor e presentador de informativos territoriais. Foi tamén o encargado de conducir e dirixir todos os debates, espazos de entrevistas e programas especiais con motivo das distintas convocatorias electorais en Galicia. En 2007 é nomeado director do Centro Territorial de Televisión Española en Galicia.

En 2011 foi nomeado director e presentador de «La Noche en 24 Horas»^[1], o informativo nocturno do Canal 24 Horas.

Ademais, Fortes realizou unha ducia de documentais de variada temática, algúns de carácter deportivo (Os anos do Hai que Roelo) e outros de corte social e divulgativo, como a serie de catro capítulos As Illas do Sur (unha expedición científico-histórica polas illas das rías Baixas). O seu documental «Galicia no espello do tempo», é un repaso ás últimas catro décadas da historia de Galicia e coincidiu co corenta aniversario do Centro Territorial de TVE en Galicia e coa firma do convenio para recuperar e dixitalizar todo o arquivo histórico de cinema de TVE en Galicia.

Vida persoal[editar | editar a fonte]

É fillo do escritor e militar Xosé Fortes e irmán dos escritores Alberto Fortes, Susana Fortes e Ana Belén Fortes.

Obra[editar | editar a fonte]

Sonata de Acuario (2023). Silleda: Ed. Elvira. En "A Ferrería. Historias para coñecer Pontevedra", do Diario de Pontevedra. 62 páxs. ISBN 978-84-128006-0-9. Conto.