Winglet

Na Galipedia, a Wikipedia en galego.
Winglet dun Boeing 737-800

Un winglet, tamén chamado dispositivo de punta alar (wingtip device), é un dispositivo usado para mellorar as condicións aerodinámicas dos avións reducindo a resistencia.[1] O winglet é unha extensión vertical ou angulada situada na punta das ás. Existen varios tipos e, aínda que funcionan de distintos xeitos, o efecto desexado é sempre o de reducir a resistencia aerodinámica do avión alterando o fluxo de aire preto das puntas das ás. Estes dispositivos tamén melloran as características de manexo da aeronave e aumentan a seguridade para as aeronaves que van detrás. Ditos dispositivos incrementan o alorgamento alar efectivo dunha á sen incremento material da envergadura.

Aumentar a envergadura tamén podería reducir a resistencia inducida, pero incrementaría o arrastre parasitario que requiriría aumentar a resistencia e o peso da á. Chegado a certo punto non hai un beneficio neto se se continúa incrementando a envergadura. Ademais existen consideracións operacionais que limitan a lonxitude das ás, como por exemplo o ancho dispoñible nas portas de embarque dos aeroportos.

Os winglets incrementan a sustentación xerada na punta da á (suavizando o fluxo de aire a través da á superior preto da punta) e reducen a resistencia inducida causada polos vórtices da punta da á, mellorando a relación de planeo. Isto incrementa a eficiencia do combustible e avións con motores e incrementa a velocidade nos planadores, aumentando nos dous casos o alcance.[1] Estudos da Forza Aérea dos Estados Unidos indican que unha certa mellora na eficiencia do combustible se relaciona directamente co incremento causal da relación de planeo.[2]

Notas[editar | editar a fonte]

  1. 1,0 1,1 Faye, Robert; Laprete, Robert; Winter, Michael (xaneiro de 2002). "Blended winglets for improved airplane performance" (PDF). Aero magazine (17). 
  2. National Research Council (2007). Assessment of Wingtip Modifications to Increase the Fuel Efficiency of Air Force Aircraft (en English). Washington, DC: The National Academies Press. ISBN 978-0-309-10497-5.