William Elford Leach
| Biografía | |
|---|---|
| Nacemento | 2 de febreiro de 1790  Plymouth |
| Morte | 25 de agosto de 1836 (46 anos) San Sebastiano Curone (pt)  |
| Causa da morte | Cólera |
| Datos persoais | |
| Residencia | Gran Bretaña |
| País de nacionalidade | Reino Unido de Gran Bretaña e Irlanda |
| Educación | Universidade de Edimburgo Universidade de St Andrews Barts and The London School of Medicine and Dentistry (en) |
| Actividade | |
| Campo de traballo | Biologia marinha (pt) |
| Ocupación | biólogo , biólogo mariño , aracnólogo , carcinólogo , entomólogo , naturalista , malacólogo , zoólogo , ornitólogo |
| Empregador | Museo Británico |
| Membro de | |
| Lingua | Lingua inglesa |
| Obra | |
| Abreviatura do autor en zooloxía | Leach |
Premios | |
William Elford Leach, nado o 2 de febreiro de 1790 en Hoe Gate (Plymouth, Reino Unido) e finado o 26 de agosto de 1836 en Palazzo San Sebastiano (Tortona, Xénova, Italia), foi un zoólogo e biólogo mariño inglés, membro da Royal Society (FRS).
Traxectoria[editar | editar a fonte]
Leach foi fillo dun avogado.[1] Á idade de doce anos foi á escola en Exeter, para estudar anatomía e química.[1]
Alí, recollía mostras mariñas en Plymouth Sound e ao longo da costa de Devon. Aos dezasete anos iniciou os estudos de medicina no Hospital St. Bartholomew en Londres, terminando a carreira na Universidade de Edimburgo e na de St Andrews.[2]
En 1813 Leach regresou aos seus intereses zoolóxicos e foi empregado como bibliotecario auxiliar na Sección Zoolóxica do Museo Británico.[1]
Alí dedicouse a ordenar as coleccións, moitas das cales foran abandonadas desde que deixou o Museo Hans Sloane. Durante este tempo foi conservador auxiliar da sección de historia natural, converténdose nun experto en crustáceos e moluscos. Tamén traballou en insectos, mamíferos e aves.[3]
A nomenclatura de Leach era un tanto excéntrica. Nomeou vinte e sete especies baseadas no nome do seu amigo John Cranch (quen as recolectara en África antes de morrer no navío da Armada Británica HMS Congo).
E en 1818 nomeou nove xéneros baseados en Caroline ou anagramas deste nome, posibelmente en alusión ao nome da súa amante.[1]
En 1821 sufriu unha depresión nerviosa debido ao exceso de traballo e dimitiu do seu posto no museo en marzo de 1822. A súa irmá máis vella levouno á Europa continental a convalecer, e viaxaron a través de Francia, Italia e Grecia.
Morreu de cólera no Palazzo San Sebastiano, cerca de Tortona, ao norte de Xénova.
Bibliografía[editar | editar a fonte]
As obras que escribiu durante a súa estancia no Museo Británico son as seguintes:[2]
- The Zoological Miscellany (1814–1817).
- Monograph on the British Crabs, Lobsters, Prawns and other Crustacea with pedunculated eyes (1815–1817).
- Systematic catalogue of the Specimens of the Indigenous Mammalia and Birds that are preserved at the British Museum (1816).
- Synopsis of the Mollusca of Great Britain (circulou desde 1820, pero só se publicou en 1852).
Eponimia[editar | editar a fonte]
O petrel de Leach (Oceanodroma leucorhoa), foi denominado así na súa honra, tras a súa morte, por Coenraad Jacob Temminck en 1820, non sendo consciente de que fora descrito previamente por Vieillot. Un espécime desta ave comprárao Leach en nome do Museo Británico por 5,15 £ na venda da colección de William Bullock en 1819. Na mesma venda comprou tamén un arao xigante (Pinguinus impennis) e un ovo por só 16 £.
O picapeixe de ás azuis (Dacelo leachii) tamén se nomeou no seu honor, en 1827, por Vigors e Horsfield.
Abreviatura[editar | editar a fonte]
A abreviatura Leach emprégase para indicar a William Elford Leach como autoridade na descrición e taxonomía en zooloxía.
Notas[editar | editar a fonte]
- ↑ 1,0 1,1 1,2 1,3 David M. Damkaer (2002). "Adding pages". The Copepodologist's Cabinet: A Biographical and Bibliographical History, Volume 1. Memoirs of the American Philosophical Society, Volume 240. American Philosophical Society. pp. 131–155. ISBN 978-0-87169-240-5.
- ↑ 2,0 2,1 Thomas Seccombe (1892): "Leach, William Elford", en Sidney Lee, Dictionary of National Biography, 32. Londres: Smith, Elder & Co.
- ↑ Barbara Mearns & Richard Mearns (1988). Biographies for Birdwatchers. Academic Press. ISBN 0-12-487422-3.
Véxase tamén[editar | editar a fonte]
Ligazóns externas[editar | editar a fonte]
- BHL The zoological miscellany: being descriptions of new, or interesting animals. Tres vols. 1814–1817.
- BHL Malacostraca podophthalmata Britanniae. 1815.
- BHL Molluscorum Britanniæ synopsis. 1852, editado por John Edward Gray.
- BHL Leach's Systematic catalogue of the specimens of the indigenous mammalia and birds in the British Museum. 1882, editado por Osbert Salvin.
| Control de autoridades |
|
|---|
