Wernher von Braun
Wernher Magnus Maximilian Freiherr von Braun, nado en Wirsitz o 23 de marzo de 1912 e finado en Alexandria (Virxinia) o 16 de xuño de 1977, foi un enxeñeiro aeroespacial de orixe alemá. En 1955 nacionalizouse estadounidense co fin de ser integrado na NASA. Considerado un dos máis importantes deseñadores de foguetes do século XX, dirixiu o deseño dos foguetes V-2 e Saturno V que levou o home á Lúa.
Von Braun, personaxe moi controvertido, dedicou a súa vida ao desenvolvemento de foguetes para a conquista do espazo, aínda que tivese que ofrecelos como armas para o seu desenvolvemento, cousa que dubidou en facer, como comentou aos seus achegados nos seus últimos anos. Estas declaracións poden verse nunha entrevista de Ernst Stuhlinger nun documental que fixo sobre Wernher.
Traxectoria[editar | editar a fonte]
Primeiros anos[editar | editar a fonte]
O seu pai foi o barón Magnus Maximilian von Braun e a súa nai a baronesa Emmy von Quirstorp, dous nobres alemáns. De pequeno namorouse das posibilidades da exploración espacial a través das novelas de Jules Verne e H.G. Wells. Os traballos científicos de Hermann Oberth, e en concreto o estudo Die Rakete zu den Planetenräumen (Ao espazo en foguete), alentaron a von Braun a estudar cálculo e trigonometría para comprender a física das naves espaciais.
O día da súa confirmación na igrexa luterana, a súa nai, afeccionada á astronomía, regaloulle un telescopio. Axiña esgotou a capacidade do telescopio e convenceu algúns compañeiros do colexio para que o axudasen a construír un observatorio astronómico con pezas dun coche vello.
Enrolado nas SS[editar | editar a fonte]
Nos seus anos de adolescente, von Braun, interesado nos voos espaciais, uniuse á sociedade aeroespacial alemá Verein für Raumschiffahrt (VfR) en 1929. En 1932 graduouse en enxeñaría mecánica no instituto politécnico de Berlín, e dous anos máis tarde obtivo o doutoramento en Física na Universidade de Berlín.
Na súa procura de desenvolver grandes foguetes, enrolouse no exército alemán para crear mísiles balísticos antes da chegada de Adolf Hitler ao poder en 1933. Foi posteriormente inscrito nas filas das SS en 1940. Como dixo a súa man dereita (Ernst Stuhlinger) nunha entrevista, a Von Braun custoulle aceptar a oferta de enrolarse nas SS.
Mentres realizaba o seu traballo para o exército, Von Braun doutorouse en enxeñaría aeroespacial o 27 de xullo de 1934. O 3 de outubro de 1942 lanzábase o A2, o primeiro foguete moderno, dotado dun mecanismo de guía automática. Nuns minutos afastouse a unha distancia de 190 km do punto de lanzamento,[Cómpre referencia] ata que se lle acabou o combustible. Alcanzou unha altura máxima de 3,5 km.[1]
Notas[editar | editar a fonte]
- ↑ "Raketenaggregate „A1“ und „A2“" (en alemán). Consultado o 7 de febreiro de 2010.
Véxase tamén[editar | editar a fonte]
 |
Commons ten máis contidos multimedia sobre: Wernher von Braun |
Ligazóns externas[editar | editar a fonte]
| Control de autoridades |
|
|---|
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |