Waterworld

Waterworld
Título orixinal	Waterworld
[[Ficheiro:|200px| ]]
Ficha técnica
Director	Kevin Reynolds
Produtor	Kevin Costner John Davis Charles Gordon Lawrence Gordon Andrew Licht
Guión	David Twohy Peter Rader
Baseado en
Intérpretes	Kevin Costner Jeanne Tripplehorn Dennis Hopper Gerard Murphy Tina Majorino Chaim Girafi Michael Jeter R.D. Call Kim Coates
Música	James Newton Howard Henry Mancini
Fotografía	Scott Fuller Dean Semler
Montaxe	Peter Boyle
Estudio	Davis Entertainment
Distribuidor	Universal Pictures
Ano	1995
Duración	135 minutos
País	Estados Unidos
Xénero	Ciencia ficción
Orzamento	$175.000.000.
Filme anterior
Filme seguinte
Ficha en IMDb

Waterworld é un filme pos-apocalíptico de ciencia ficción. Foi dirixido por Kevin Reynolds e escrito conxuntamente entre Peter Rader e David Twohy. Foi estreado en 1995.

O filme está ambientado nun futuro distante. A pesar de que non se cita unha data exacta no filme, crese que podería ser o ano 2500. Os casquetes polares están completamente derretidos e o nivel do mar incrementouse centos de metros, cubrindo case toda a superficie da terra. O filme ilustra isto cunha variación do logo de Universal Pictures, que comeza de forma corrente coa imaxe da Terra, pero logo vese como a auga vai cubrindo gradualmente o planeta ata que a terra queda totalmente somerxida. O argumento do filme xira arredor dun anti-heroe sen nome, "O Mariñeiro", un viaxeiro que navega a Terra no seu trimarán.

Argumento

No futuro os casquetes polares derreteron e a auga cubre a total superficie do planeta. Por este motivo, a auga doce é o ben máis prezado que existe, e os seres humanos sobreviven en plataformas flotantes na busca incesante de auga potable e lembrando unha lenda, segundo a cal nalgún lugar existe terra seca. O Mariñeiro (Kevin Costner) é un viaxeiro solitario que vive do comercio de obxectos. Un día chega a un atol de chatarra e vende terra ós seus habitantes, pero eles, ó decatarse de que é un mutante (metade peixe, metade humano), condénano a morte.

Personaxes

• Kevin Costner como O Mariñeiro. É o protagonista da historia. Trátase dunha mutación de home-peixe con branquias funcionais e membranas nas extremidades, que lle permiten nadar velozmente. É solitario e reservado.
• Dennis Hopper como O Diácono. É o principal inimigo. É o líder dun grupo de delincuentes chamados Smokers, que se adican ó pillaxe e ó asasinato dos escasos asentamentos flotantes (atol) dos superviventes da inundación. O seu obxectivo é atopar Terra Seca.
• Jeanne Tripplehorn como Helen. É unha muller que vive ó coidado de Enola nun atol. Cre na existencia de Terra Seca, e por iso salva da morte a Mariner, para que lles axude a atopala
• Tina Majorino como Enola. É unha nena orfa procedente de Terra Seca, que leva unha tatuaxe nas costas, que en realidade é un mapa con indicacións para volver ó seu lugar de orixe. Sempre está facendo debuxos de árbores e animais aínda que non os lembra moi ben, e non sabe o que son. Enola significa "só" ("Alone" escrito ó revés).

Galardóns e nomeamentos

• 1995: Nomeamento ó Oscar: Mellor son.
• 1995: Nomeamento BAFTA: Mellores efectos visuais.

Curiosidades

• O guión de Waterworld pululou moitos anos polo Universal Studios e moitos actores ( Patrick Swayze, Jean Claude Van Damme, Arnold Schwarzenegger, Bruce Willis ou Tom Hanks) interesáronse nalgún momento polo proxecto. Pero cando Kevin Costner coñeceu a existencia do guión, converteuse no produtor e contratou ó seu amigo Kevin Reynolds para a dirección.
• No seu día foi a película máis cara da historia, e tamén unha das menos rentables, polo que case lle custa a carreira a Kevin Costner.
• Un dos especialistas morreu afogado na rodaxe.

Véxase tamén

Ligazóns Externas

• Ficha na IMDb (en inglés)
• Ficha en AllMovie (en inglés)
• Ficha en BoxOfficeMojo (en inglés)
• Ficha en RottenTomatoes (en inglés)
• Ficha en Metacritic (en inglés)