Volvo XC90

Na Galipedia, a Wikipedia en galego.
Volvo XC90
2006-2008 Volvo XC90 (P28) D5 wagon 03.jpg
Nome Volvo XC90
Construtor Volvo
Produción 2002-actualidade
Tipo Automóbil todoterreo
Segmento Segmento E
Configuración Motor dianteiro transversal, tracción ás catro rodas
Dimensións 4805-4820 / 1900 / 1785 / 2860

O Volvo XC90 é un automóbil todoterreo do segmento E producido polo fabricante sueco Volvo dende 2002. Ten carrozaría de cinco portas, motor dianteiro transversal e tracción ás catro rodas, e ofrécese con cinco e sete prazas. Algúns dos seus rivais son o Acura MDX, o BMW X5, o Infiniti FX, o Lexus RX, o Mercedes-Benz Clase M, o Range Rover Sport e mailo Volkswagen Touareg.

O XC90 foi presentado oficialmente no Salón do Automóbil de Detroit de 2002. Está construido sobre a mesma plataforma da primeira xeración do Volvo S80 e do Volvo V70 de segunda xeración.

Os motores de gasolina son un cinco cilindros en liña con turbocompresor de 2.5 litros e 209 CV, un seis cilindros en liña atmosférico de 3.2 litros e 238 CV, un seis cilindros en liña turboalimentado de 2.9 litros e 272 CV, e un oito cilindros en V atmosférico de 4.4 litros e 315 CV. O diésel é un cinco cilindros en liña de 2.4 litros e 163 ó 185 CV, en ambos casos con turbocompresor de xeometría variable, intercooler e inxección directa con alimentación por common-rail.

Véxase tamén[editar | editar a fonte]

Commons
Commons ten máis contidos multimedia na categoría: Volvo XC90 Modificar a ligazón no Wikidata