Virgílio Teixeira

Na Galipedia, a Wikipedia en galego.

Virgílio Gomes Delgado Teixeira, máis coñecido como Virgílio Teixeira, nado o 26 de outubro de 1917 en Funchal, Madeira, e finado o 5 de decembro do 2010 na mesma localidade, foi un actor de cine e televisión portugués.

Traxectoria[editar | editar a fonte]

Virgílio Teixeira actuou no cine entre as décadas de 1940 e 1960. Nos anos 40 participou en Portugal en diversos filmes, trasladándose a Hollywood na década seguinte. Ó longo da súa carreira participou en 92 producións cinematográficas, 150 programas de televisión e dúas pezas de teatro en España, Portugal e os Estados Unidos.

Ademais do seu traballo como actor, Virxilio Teixeira foi delegado da Sociedade Portuguesa de Autores en Funchal. Tamén ocupou a concellería de Cultura polo Partido Socialdemócrata de Portugal na Cámara Municipal de Funchal entre 1980 e 1983.

Casou catro veces e tivo catro fillos.

Véxase tamén[editar | editar a fonte]

Ligazóns externas[editar | editar a fonte]