Ameixa bicuda

Na Galipedia, a Wikipedia en galego.
(Redirección desde «Venerupis aurea»)
Ameixa bicuda
Clasificación científica
Reino: Animalia
Filo: Mollusca
Clase: Bivalvia
Orde: Venerida
Superfamilia: Veneroidea
Familia: Veneridae
Xénero: Polititapes
Especie: Polititapes aureus
Nome binomial
Polititapes aureus
(Gmelin, 1791)
Sinonimia

Polititapes nuculoides Coen, 1914
Polititapes nasuta Coen, 1914
Polititapes lacunaris Coen, 1914
Polititapes castrensis texturoides Pallary, 1912
Polititapes pulchellus bicolor Pallary, 1900
Polititapes aureus partita Bucquoy, Dautzenberg & Dollfus, 1893
Polititapes aureus radiata Bucquoy, Dautzenberg & Dollfus, 1893
Polititapes aureus rugata Bucquoy, Dautzenberg & Dollfus, 1893
Polititapes servaini Locard, 1886
Polititapes rostratus Locard, 1886
Polititapes rochebrunei Locard, 1886
Polititapes retortus Locard, 1886
Polititapes nitidosus Locard, 1886
Polititapes mabillei Locard, 1886
Polititapes grangeri Locard, 1886
Polititapes bourguignati Locard, 1886
Polititapes anthemodus Locard, 1886
Polititapes aureus elongata Dautzenberg, 1883
Polititapes hoeberti Brusina, 1865
Polititapes aureus ovata Jeffreys, 1864
Polititapes aureus quadrata Jeffreys, 1864
Polititapes picturata Requien, 1848
Polititapes pallei Requien, 1848
Polititapes castrensis Deshayes, 1848
Polititapes araneosa Philippi, 1847
Polititapes intuspunctata Anton, 1838
Polititapes pulchellus (Lamarck, 1818)
Polititapes florida Lamarck, 1818
Polititapes aurea Gmelin, 1791
Polititapes aurea (Gmelin, 1791)
Polititapes aurea (Gmelin, 1791)

A ameixa bicuda ou bruxa (Venerupis aurea, Gmelin 1791 [1]; antes Tapes aureus) é unha especie de molusco bivalvo pertencente á familia dos Venéridos (Veneridae), da orde Veneroida.

Morfoloxía[editar | editar a fonte]

Moi semellante ás ameixas fina e babosa, adoita ser de menor tameño, con máximos de 4,5 cm. A cuncha é sólida e equivalva, co umbo adiantado cara a metade anterior. A charnela consta de tres dentes en cada valva. A superficie é lisa, con costelas concéntricas e liñas de crecemento á penas visibles.

A cor é amarelada chegando a abrancazada e adoita ter debuxos variados (raias, bandas, manchas) máis escuros que a cor de fondo. Na cara interna, de cor branca sucia e ás veces con tons morados ou marelos, apréciase ben a marca do saco paleal.

Hábitat e bioloxía[editar | editar a fonte]

É unha especie común na Ría de Arousa pero menos común que outras ameixas. Vive desde a franxa infralitoral ata profundidades de 40 metros, enterrada nos fondos de area, lama ou grava.

Distribúese na costa europea do Atlántico, no Mediterráneo e Mar Negro.

Importancia pesqueira e comercial[editar | editar a fonte]

Péscase tanto a pé, co sacho, como con raños desde a embarcación. Vén mesturada con outras ameixas que son o obxectivo dos mariñeiros.

Cocíñase e consómese como as outras ameixas pero resulta moito menos apreciada que estas.

A ameixa bicuda en Galicia[editar | editar a fonte]

Tamén recibe os nomes de brava, margarita e de chirla, pero este último nome pode crear confusión con outro molusco común no Mediterráneo que recibe, en castelán, o mesmo nome (Chamelea gallina).

Segundo Ríos Panisse, o apelativo de bicuda obedece á forma puntiaguda da unión das valvas. Diferentes peixes, como a maragota ou certas raias, reciben tamén esta denominación por algún carácter morfolóxico aguzado.

Notas[editar | editar a fonte]

  1. Este é o nome científico oficial en España, segundo a Secretaría Xeral de Pesca en 2012 (Resolución de 28 de maio de 2012, da Secretaría Xeral de Pesca, pola que se establece e se publica a listaxe de denominacións comerciais de especies pesqueiras e de acuicultura admitidas en España (BOE nº 148, de 21.06.2012) [1]). Non obstante, a Consellería de Pesca daba este nome como obsoleto en 1999, e como denominación actual o de Paphia aurea, pero o O World Register of Marine Species [2] considera que o nome científico válido actualmente é o de Polititapes aureus (Gmelin, 1791).

Véxase tamén[editar | editar a fonte]

Bibliografía[editar | editar a fonte]

  • DIRECCIÓN XERAL DE FORMACIÓN PESQUEIRA: Guía do consumidor de peixe fresco. Xunta de Galicia 1999.
  • RAMONELL, Rosa: Guía dos mariscos de Galicia. Galaxia, Vigo 1985.
  • RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba.

Outros artigos[editar | editar a fonte]

Ligazóns externas[editar | editar a fonte]