Vehículo anfibio

Na Galipedia, a Wikipedia en galego.
Vehículo anfibio de asalto anfibio AAV-7 da Armada Española desprazándose na praia de Santander (Cantabria, España).

Un vehículo anfibio (ou, simplemente, anfibio), é un vehículo que pode operar tanto en terra como na auga (mares, lagos, ríos) feito polo que recibe o cualificativo (o nome) de anfibio.[1]

A definición aplícase tanto a vehículos terrestres como marítimos, e de calquera envergadura, tanto con motor como sen el, incluíndo bicicletas, automóbiles, barcos, aerodeslizadores, hidroavións dotados de tren de aterraxe e capaces, por tanto, de aterrar nunha pista convencional.

Teñen especial relevancia os vehículos militares de asalto anfibio pola súa capacidade para transportar tropas de asalto de infantaría, xunto co seu material, e desembarcalas en terra sen a necesidade dun peirao ou porto practicábel.

Estritamente, os vehículos militares anfibios foron desenvolvidos e perfeccionados especialmente durante e a partir da Segunda Guerra Mundial, e máis en concreto polas potencias belixerantes implicadas na Guerra do Pacífico (1941-1945), como Xapón e os Estados Unidos.

Este foi un feito derivado da experiencia na Guerra anfibia da Primeira Guerra Mundial, e da necesidade de perfeccionar esta arte.[2] Tanto é así que as lanchas LCVP (da siglas en inglés de Landing Craft, Vehicle, Personnel) chegaron a seren consideradas como a arma máis importante da Segunda Guerra Mundial pola súa capacidade de manter un continuo abastecemento e refresco de tropas.[3]

Notas[editar | editar a fonte]

  1. anfibio -a no dicionario on line da RAG.
  2. Cuevas, Miguel Ángel (7 de febreiro de 2011). "La Guerra anfibia". http://avances-cientificos-notables.blogspot.com/2011/02/la-guerra-anfibia.html. Consultado o 3 de outubro de 2012. 
  3. Vázquez García, Juan, Carlos Caballero Jurado, Lucas Molina Franco et al. (2004): "Normandía, 6 de junio de 1944. La invasión". Revista española de historia militar, Valladolid, Quirón ediciones, '48: 92.

Véxase tamén[editar | editar a fonte]

Commons
Commons ten máis contidos multimedia na categoría: Vehículo anfibio