Varna

Na Galipedia, a Wikipedia en galego.

Teatro da Ópera

Varna (en búlgaro Варна Varna) é a terceira cidade de Bulgaria, logo da capital Sofía e Plovdiv, con 329.538 habitantes en 2007^[1]. Está situada na parte oriental do país, na rexión de Varna, da cal é a cabeza. É ademais un importante porto sobre o Mar Negro, e está preto do lago Varnesko (é dicer "de Varna").

Foi rebautizada como Stalin, en honra do ditador soviético, durante un breve período entre 1949 e 1956.

[editar] Historia

Arredor do ano 580 a.C., Varna foi fundada polos gregos, que a conformaron como unha colonia comercial (apoikia), con o nome de Odessos. Desde un punto de vista arqueolóxico a cidade é coñecida polas necrópoles do Calcolítico, preto das cales se descubríu o máis antigo tesouro de ouro do mundo, denominado o Ouro de Varna.

Catedral da Dormición de María (Uspenie Presviatia Bogoroditsi)

Estación ferroviaria de Varna

Memorial da batalla de Varna, 1444, erguido sobre unha antiga tomba tracia

Da cidade romana consérvanse ben as termas (século II d.C.), que constitúen á vez o maior xacemento arqueolóxico romano de Bulgaria.

Durante o Medioevo, búlgaros e bizantinos alternaron no control da cidade, até que foi conquistada polos otomanos no ano 1393.

O 10 de novembro de 1444, nas proximidades da cidade, librouse a batalla de Varna, contra os turcos, que desfixeron un exército de 30.000 cruzados, dirixidos polo rei Ladislao III de Polonia. Os soldados cristianos estaban no porto á espera de seren embarcados en naves que os haberían de levar a Constantinopla, mais víronse atacados por un exército superior, formado por 120.000 otomanos, sob o mando do sultán Murad II.

Ladislao III foi morto mentres tentava, cun xesto valeroso, capturar o sultán, obtendo así o apelativo de Warneńczyk. A conseguinte retirada do exército dos cruzados conlevou a inevitábel caída de Costantinopla en mans turcas poucos anos despois.

No ano 1829 a cidade foi asediada e conquistada polo exército imperial russo durante o prolongado asedio de Varna.

En 1962, foi sede dos décimoquinta Olimpiada mundial de xadrez, mentres en 1969 organizou os campeonatos mundiais de ximnasia rítmica.

[editar] Economía

Varna é un importante centro económico de Bulgaria e do Mar Negro en xeral. As actividades produtivas máis importantes están en relación con o cmmercio, os trasportes (a cidade está dotada dun importante porto sobre o Mar Negro e máis dun aeroporto internacional), a industria naval e manufactureira. Xunto con a veciña cidade de Devnya, Varna forma o distrito industrial denominado Complexo Industrial Varna-Devnya, sede de algúns dos maiores estabelecementos químicos, electrónicos e manufactureiros de Bulgaria.

O turismo e, outramente, fundamental para a economía da provincia e da cidade Son importantes os resorts turísticos de Albena (Албена), Sabbia Dorata (en búlgaro Златни пясъци, Zlatni pyasatsi) , SS. Constantino e Helena (Константин и Елена), Riviera e moitos outros, que atraen moitos turistas do estranxeiro.

En setembro de 2004, a revista FDI declarou Varna como "cidade de Europa sudoriental do futuro", pola súa posición estratéxica, o seu crecemento económico, o rico patrimonio histórico-artístico e pola alta calidade de formación e de instrución da súa poboación.

[editar] Lugares de interese

É a cidade é o maior centro búlgaro no Mar Negro e base da mariña do país, polo que con frecuencia e mostrada como a capital ora costeira, ora estival, de Bulgaria. Hoxe é sede dun museo naval, no que está exposto a nave-museo montada no torpedeiro Drazki.

O seu museo arqueolóxico conserva restos relativos á cultura material e á vida dos pescadores, dos campesiños e dos cidadáns de fins do século XIX e inicio do XX.

Outros importantes lugares de interese de Varna son: a catedral da Virxe, o delfinario, o xardín marítimo (obra do checo Anton Novák), as termas romanas, o mosteiro medieval rupestre dr Aladzha, a necrópole di Varna, o observatorio astronómico e o planetario.

Como curiosidade, a ponte Asparuhov, de 2 km de lonxitude, é moi coñecido por ser utilizado para a práctica do bungee jumping.