Urdaibai Arraun
O Urdaibai Arraun (por motivos de patrocinio Urdaibai Umpro Avia) é un club de remo cuxa finalidade é a potenciación do remo na zona de Urdaibai (Biscaia). Actualmente compite na Liga San Miguel, da que é o equipo máis laureado, a súa traiñeira chámase Bou Bizkaia e os seus remeiros visten de azul (a mesma cor que luce na embarcación).
Historia[editar | editar a fonte]
A Sociedade fundouse no ano 1992 co fin de lograr unha tripulación de traíña que fora competitiva cos que tradicionalmente foron destacados neste deporte, reuníronse os clubs de remo de Elantxobe, Mundaka e Bermeo, sendo estes clubs os membros fundadores e actuais compoñentes do Urdaibai Arraun. Non foi con todo ata 1999 cando comezou a competir en probas de banco fixo, sendo dende entón a súa traxectoria deportiva altamente exitosa.
Actualmente, Urdaibai é o club máis laureado da Liga San Miguel con catro réplicas da Corona Caja Madrid nas súas vitrinas. Cun campionato máis, o club bermeano converteríase no primeiro club da historia en conseguir en propiedade a Corona Caja Madrid orixinal.
Palmarés[editar | editar a fonte]
- 4 Ligas San Miguel: 2004, 2007, 2008 e 2010
- 1 Campionato de España de Traiñeiras: 2007
- 1 Bandeira da Concha: 2010
- 1 Bandeira de Santander: 2002
- 2 Campionatos de Traiñeiras de Euskadi: 2007 e 2008
- 7 Campionatos de Traiñeiras de Biscaia: 1999, 2001, 2002, 2003, 2004, 2007 e 2008
Ligazóns[editar | editar a fonte]
- Site do club (en castelán)
- Ficha do club na web da Liga ACT Arquivado 01 de novembro de 2012 en Wayback Machine. (en galego)