Unter den Linden
Na Galipedia, a Wikipedia en galego.
Unter den Linden (Baixo os tilos) en Berlín, Alemaña, é o principal bulevar da cidade. O bulevar comeza na praza de París no lado oeste da porta de Brandemburgo, onde se atopan a Academia de Arte, o coñecido Hotel Adlon e a embaixada de Francia. A 1,5 km en dirección leste da praza atópase a ponte Schlossbrücke, a cal serve de unión coa Illa dos Museos e o centro leste de Berlín. Unter den Linden é un dos principais eixos da cidade e nel atópanse numerosas institucións e lugares de interese turístico e cultural.
