Unha vida violenta

Na Galipedia, a Wikipedia en galego.
(Redirixido desde "Una vita violenta")
Pier Paolo Pasolini.

Unha vida violenta é unha novela en lingua italiana escrita por Pier Paolo Pasolini e publicada en 1959 polo selo editorial Garzanti co título orixinal de Una vita violenta.

Características[editar | editar a fonte]

Pasolini comezara a traballar na obra en 1955, coa intención de continuar o proxecto iniciado con Ragazzi di vita, é dicir, seguir a explicar as condicións de vida da mocidade na emerxente periferia urbana de Roma. Por consello do editor, o autor suprimiu algún feito escabrosos e conflitivos politicamente.

A obra quedou finalista do premio Strega de 1959, entregada a Il Gattopardo de Giuseppe Tomasi di Lampedusa.

A novela narra a historia dun mozo, Tommaso Puzzilli, que vive na periferia romana de Pietralata. El, e tamén os seus compañeiros, sabe o que é pasar fame e coñece así mesmo a delincuencia, o crime organizado e a prostitución. Trata tamén da degradación cara a un comportamento violento e bárbaro.

Foi traducido ao galego no 2012, co título Unha vida violenta, publicado en Hugin e Munin.

Véxase tamén[editar | editar a fonte]

Ligazóns externas[editar | editar a fonte]