Lingua ucraína

Ucraíno (українська мова)
Falada en:	Ucraína, e comunidades en Rusia, Polonia, Bielorrusia, Casaquistán, Moldavia, Romanía, Canadá
Rexión do planeta	Europa do Leste (principal)
Total de falantes	39.400.000
Posición	26a no mundo
Família lingüística:	Linguas indoeuropeas Grupo balto-eslavo Linguas eslavas Eslavo do Este Ucraíno
Status oficial
Lingua oficial de:	Ucraína, e rexión da Transdnístria
Regulada por:	Academia Nacional de Ciéncias da Ucraína
Codificacións
ISO 639-1	uk
ISO 639-2	ukr
Véxase tamén: Linguas eslavas – Lingua

A lingua ucraína (украї́нська мо́ва, transliteración: ukrayins'ka mova [ukrɑ'jinʲsʲkɑ ˈmɔʋɑ]) é unha lingua eslava oriental, unha das tres deste grupo de linguas, xunto ao ruso e o bielorruso. Garda certas similitudes con ámbalas dúas linguas, pero con notables diferenzas.

Características

O idioma ucraíno é falado por case cincuenta millóns de persoas en todo o mundo, incluíndo 37,5 millóns en Ucraína (77,8% da poboación ucraína total). Mais só na Ucraína occidental é a lingua que prevalece sobre o ruso. En Kiev fálanse ambas linguas, un cambio notable dende o pasado recente, cando a cidade era principalmente rusoparlante. O cambio foi causado en gran medida pola influencia da poboación rural e as migracións dende as rexións occidentais de Ucraína. No norte e centro de Ucraína, o ruso é a lingua da poboación urbana, mentres que o ucraíno é moito máis común nas zonas rurais. No sur e leste de Ucraína, o ruso prevalece incluso nas áreas rurais, e en Crimea, onde nunca se falou, o ucraíno está case ausente.

Alfabeto

A a	Б б	В в	Г г	Ґ ґ	Д д	Е е	Є є	Ж ж	З з	И и
A a	B b	V v	J j	G g	D d	E e	Ye	Zh	Z z	Ɨ ɨ
I i	Ї ї	Й й	К к	Л л	М м	Н н	О о	П п	P p	С с
I i	Yi	I i	K k	L l	M m	N n	O o	P p	R r	S s
Т т	У у	Ф ф	Х х	Ц ц	Ч ч	Ш ш	Щ щ	Ю ю	Я я	Ь ь	'
T t	U u	F f	J j	Ts	Ch	Sh	Shch	Yu	Ya

O "Ь ь" non ten son. A súa función é a de de palatizar outras letras, como por exemplo, o Л л (L) eo Н н (N). É dicir, нь se le ñ (como en España) e ль se le ll (como en consello). Tamén pode cambiar un pouco o son doutras consoantes.

O Г г en ucraíno ten un son dun g cando se atopa no medio de dúas vogais, como é o exemplo de "ágata", "Málaga", etcétera, e polo tanto aseméllase moito ao son dunha "j" en castelán pero un pouquiño mais débil. O son G como en "gato" escríbese coa letra Ґ ґ, pero raramente usan esa letra, usando simplemente a Г г, aínda que teña valor fonético diferente.

O Й й ten o son dun i, pero corto, como en "xeito" ou "Mario"

O  '  simboliza unha pausa corta.

Grupos de variantes

Mapa das variantes e subgrupos do ucraíno (2005).      Grupo setentrional     Grupo sur-oriental     Grupo sur-occidental

• Grupo setentrional
  • Polesio
    • Polesio occidental
    • Polesio central
    • Polesio oriental

• Grupo sur-oriental
  • Dniéper (poltavo)
  • Slobozhano
  • Estepa

• Grupo sur-occidental
  • Volinio
  • Nadsiano
  • Galitziano (ou do Dniéster superior)
  • Lemko
  • Boiko
  • Transcarpático
    • Doliniano
  • Hutsúl
  • Bucovino (pocutio ou pocutio-bucovino)
  • Podolio

Véxase tamén

Ligazóns externas

• Leccións de vocabulario ucraíno en Internet Polyglot (en castelán)