Trombomodulina

Na Galipedia, a Wikipedia en galego.
Trombomodulina.

A trombomodulina (TM) ou CD141 ou BDCA-3 é unha proteína integral de membrana que se expresa na superficie das células endoteliais e funciona como cofactor para a trombina. Reduce a coagulación do sangue ao converter o encima procoagulante trombina nun encima anticoagulante.[1] A trombomodulina tamén se expresa nas células humanas mesoteliais,[2] monocitos e un subconxunto de células dendríticas.

Caracterización[editar | editar a fonte]

Nos humanos a trombomodulina está codificada no xene THBD [3] do cromosoma 20.[4] A proteína ten unha masa molecular de 74kDa, e consta dunha soa cadea con 5 dominios distintos. Na unión da trombomodulina coa trombina os contactos fundamentais son interaccións hidrofóbicas entre as cadeas laterais dos residuos Ile 414 e Ile 424 da trombomodulina e un peto hidrofóbico na superficie da trombina.

Función[editar | editar a fonte]

A trombomodulina é unha glicoproteína da superficie das células endoteliais que funciona como un cofactor na activación inducida pola trombina da proteína C na vía anticoagulante ao formar un complexo de estequiometría 1:1 coa trombina. Isto multiplica a velocidade de activación da proteína C por mil. A proteína C activada cliva os factores Va e VIIIa, que interveñen na produción de trombina, polo que esta produción diminúe.[3] Por tanto, o sistema trombina/trombomodulina/proteína C constitúe un control de retroalimentación negativa da produción de trombina.

A trombina unida á trombomodulina ten á vez un efecto inhibitorio da fibrinólise ao clivar o inhibidor da fibrinólise activable pola trombina (ou TAFI, tamén chamado carboxipeptidase B2) orixinando a súa forma activa.[5]

Ademais de unirse á trombina, a trombomodulina regula a inactivación de C3b (do sistema do complemento) polo factor I. As mutacións no xene da trombomodulina (THBD) tamén foron asociadas coa síndrome urémica hemolítica atípica.

Descubriuse que o antíxeno descrito inicialmente como BDCA-3 nas células dendríticas[6] en realidade é idéntico á trombomodulina.[7] Así, púxose en evidencia que esta molécula aparece nun subconxunto moi raro (0,02%) de células dendríticas humanas chamadas MDC2. A función que exerce nesas células non se coñece.

Interaccións[editar | editar a fonte]

A trombomudulina interacciona coa trombina.[8][9]

Notas[editar | editar a fonte]

  1. IPR001491 Thrombomodulin Acceso 22 agosto 2013.
  2. Verhagen HJ, Heijnen-Snyder GJ, Pronk A, Vroom TM, van Vroonhoven TJ, Eikelboom BC, Sixma JJ, de Groot PG. Thrombomodulin activity on mesothelial cells: perspectives for mesothelial cells as an alternative for endothelial cells for cell seeding on vascular grafts. Br J Haematol. 1996 Dec;95(3):542-9. PMID 8943899. [1]
  3. 3,0 3,1 OMIM
  4. Wen DZ, Dittman WA, Ye RD, Deaven LL, Majerus PW, Sadler JE (1987). "Human thrombomodulin: complete cDNA sequence and chromosome localization of the gene". Biochemistry 26 (14): 4350–7. PMID 2822087. doi:10.1021/bi00388a025. 
  5. Zhao L, Morser J, Bajzar L, Nesheim M, Nagashima M (December 1998). "Identification and characterization of two thrombin-activatable fibrinolysis inhibitor isoforms". Thromb. Haemost. 80 (6): 949–55. PMID 9869166.
  6. Dzionek A, Fuchs A, Schmidt P, Cremer S, Zysk M, Miltenyi S, Buck DW, Schmitz J (2000). "BDCA-2, BDCA-3, and BDCA-4: three markers for distinct subsets of dendritic cells in human peripheral blood". J. Immunol. 165 (11): 6037–46. PMID 11086035. 
  7. Dzionek A, Inagaki Y, Okawa K, Nagafune J, Röck J, Sohma Y, Winkels G, Zysk M, Yamaguchi Y, Schmitz J (2002). "Plasmacytoid dendritic cells: from specific surface markers to specific cellular functions". Hum. Immunol. 63 (12): 1133–48. PMID 12480257. doi:10.1016/S0198-8859(02)00752-8. 
  8. Bajzar, L; Morser J, Nesheim M (1996). "TAFI, or plasma procarboxypeptidase B, couples the coagulation and fibrinolytic cascades through the thrombin-thrombomodulin complex". J. Biol. Chem. (UNITED STATES) 271 (28): 16603–8. ISSN 0021-9258. PMID 8663147. doi:10.1074/jbc.271.28.16603. 
  9. Jakubowski, H V; Owen W G (1989). "Macromolecular specificity determinants on thrombin for fibrinogen and thrombomodulin". J. Biol. Chem. (UNITED STATES) 264 (19): 11117–21. ISSN 0021-9258. PMID 2544585. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]