Trikitixa

Na Galipedia, a Wikipedia en galego.
Trikitixa e pandeiro tocando en Eibar.

A trikitixa é un acordeón diatónico. É un instrumento que provén de Euskal Herria. En ocasións utilízase este termo para designar un baile ou estilo de música, mesmo hai quen chama trikitixa ao dúo que forman pandeiro e acordeón diatónico obtendo este nome como onomatopea do son do pandeiro: trikiti trikiti trikiti.

A trikitixa e o pandeiro están moi ligados, tanto é así que é moi difícil ver alguén tocando este instrumento sen unha parella que marque un ritmo co pandeiro.

En Euskal Herria, axiña se fixo oco este instrumento para interpretar música popular, xa que ademais de ter un son moi completo, é moi pequeno e doado de levar a calquera lugar. É moi común ver os intérpretes tocaren este instrumento de pé ou andando cando tocan nunha romaría.

Á persoa que toca a trikitixa chámaselle trikitilari.

Trikitilaris de sona en Euskal Herria[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]