Trevo
| Trevo | ||||||||||||
|---|---|---|---|---|---|---|---|---|---|---|---|---|
 |
||||||||||||
| Estado de conservación | ||||||||||||
|
||||||||||||
| Clasificación científica | ||||||||||||
|
||||||||||||
| Nome científico | ||||||||||||
| Trifolium sp. | ||||||||||||
 Coñeza toda a Bioloxía en Wikispecies, o directorio dos seres vivos |
- Para a estrutura construída polas abellas, véxase trevo
Os trevos son plantas herbáceas da familia das Fabáceas, pertencentes ao xénero Trifolium.
Están caracterizados polas súas follas compostas con tres folíolos e máis pola súa capacidade de fixar atmosférico grazas a bacterias simbióticas acubilladas nas súas raíces. A riqueza en proteínas dalgunhas especies convértea nunha das plantas preferidas para formar padrerías destinadas á alimentación de ruminantes de cría.
Encontrar exemplares, máis raros, con follas de catro folíolos (trevo de catro follas) tense popularmente por signo de boa sorte para quen os atope.
Características comúns [editar]
Son plantas herbáceas, polo xeral de pequena talla, algunhas rubideiras, que poden ser vivaces, anuais ou bianuais. Follas de tres folíolos, case sempre dentados, ás veces pintados no seu centro. Flores numerosas agrupadas en cabezas, que lembran capítulos, acios ou espigas. Cálice de cinco dentes, corola típica de fabáceas (estandarte, ás e carena), con as ás máis longas que a carena, e con un estandarte erguido, en xeral incurvado para o arriba na maioría das especies. O androceo é diadelfo (estames enxameados en dous grupos). Os froitos son pequenas vaíñas no interior do cálice, que conteñen de un a catro graos.
Cultívanse varias especies como plantas forraxeiras. Son tamén plantas melíferas.
Os trevos medran en chans húmidos e ben drenados, dende a primavera ata o inverno.
Especies [editar]
- Trevo rubio ou trevo violeta (trifolium pratense), é o máis común.
- Trevo acedo (oxalis acetosella)
- Trevo bituminoso (pasoralea bituminosa)
- Trevo branco (trifolium rebens)
- Trevo das pozas (menyanthes trifoliata)
