Tres disparos e dous friames
| Tres disparos e dous friames | |
|---|---|
| Autor/a | Miguel Anxo Fernández Fernández |
| Cuberta | Manuel Janeiro |
| Orixe | Galiza |
| Lingua | galego |
| Colección | Literaria nº 259 |
| Xénero(s) | Novela negra |
| Editorial | Galaxia |
| Data de pub. | maio 2008 |
| Formato | rústica con lapelas |
| Páxinas | 232 |
| ISBN | ISBN 978-84-9865-094-5 |
| Precedido por | Luar no inferno |
| Seguido por | Lume de cobiza |
| [ editar datos en Wikidata ] | |
Tres disparos e dous friames é unha novela negra de Miguel Anxo Fernández Fernández, publicada en maio de 2008. É a terceira entrega das aventuras do detective de orixe galega residente nos Ánxeles Frank Soutelo.
Trama[editar | editar a fonte]
Frank Soutelo recibe a visita de Sarah, unha rapaza dunha familia ben da costa leste, que se mudou a Hollywood co propósito de facerse actriz. Solicítalle ó detective que consiga que o seu produtor deixe de abusar sexualmente dela.
O produtor cede ás ameazas de chantaxe de Frank Soutelo, pero no último intre aparece a súa esposa con Sarah. A esposa mata ó seu marido, golpea a Frank coa culata do seu Magnum, e mata a Sarah, escapando cos cartos do seguro de falecemento do marido.
Frank Soutelo perséguea para recuperar o seu millón de dólares. Para iso vai primeiro a Boston, onde se entrevista coa nai de Sarah, e posteriormente a Papeete, na Polinesia Francesa.
Narración[editar | editar a fonte]
Neste libro Frank Soutelo vese acosado desde o principio polas mulleres, practicando o coito con Sarah e recibindo unha felación da muller do produtor. Como nos libros anteriores, reitera o seu gusto polo sexo, así como pola gastronomía galega e polo cine.
Retoma os turbios asuntos de Hollywood que xa analizara en Luar no inferno, como a contratación de mozas que rematan explotadas sexualmente ou a dobre moral dos produtores.
Nesta obra non conta coa axuda de Pat Pérez, a súa secretaria, pero coñece a novos amigos, tamén galegos, que o axudan.