Diurno (Renfe)
Diurno foi o nome comercial que recibiu o servizo de pasaxeiros diúrno da Unidade de Negocio de Grandes Liñas e, posteriormente, de AVE - Longa Distancia realizados por RENFE e Renfe Operadora respectivamente. Substituíu gradualmente aos antigos trens Rápidos e estivo operativo entre 1990 e 2012.
Historia[editar | editar a fonte]
Este modelo é o clásico concepto de tren, en canto a que é unha locomotora que arrastra un conxunto de coches de viaxeiros. Actualmente só quedan un servizo en funcionamento, que cobren a relación entre o País Vasco e Salamanca. Son arrastrados por máquinas da serie 269 ou da 333. Os coches en si, son da serie 9000; estes vehículos foron adquiridos por Renfe entre 1980 e 1985, e foron unha auténtica revolución, pois teñen unha excelente calidade e estabilidade na marcha, e son aptos para circular a 160 km/h, grazas aos bogies tipo GC (Gran Confort) ou Fiat. Estes servizos están actualmente en declive, debido ao escaso coidado ao que sometéronse estes vehículos nos últimos anos, a ausencia de mantemento, e á prioridade da alta velocidade fronte a calquera outro sistema de transporte por ferrocarril.
Inicialmente, estes trens ofrecían 1ª e 2ª clase, cafetería ou restaurante, e incluso gardería; ademais algúns dos servizos contaban con servizo de paquetería, e incluso levaban un vagón de correos; outros incorporaban tamén plataformas portaautomóbiles Autoexpreso, se ben estes últimos servizos repartíanse tamén cos trens nocturnos.
A día de hoxe foron despezados, alleados, abandonados en estacións ou transformados na serie 2000 (Arco).
O 17 de xuño de 2012, co cambio de horarios, a única relación que perduraba con este tipo de trens, o Diurno Iberia entre Salamanca e Euskadi, foi suprimida[1][2] malia as protestas dos cidadáns bilbaínos e salmantinos,[3] e substituída por un transbordo en Valladolid polo que desaparece o produto Diurno.
Servizos[editar | editar a fonte]
| Tren | Percorrido | Funcionamento | Actualidade |
|---|---|---|---|
| Diurno Iberia | Bilbao/Irún - Salamanca/Madrid - Cáceres | ata 2012 | Alvia/Intercity/Trenhotel |
| Diurno Río Aragón | Madrid-Chamartín - Zaragoza - Jaca (antigamente Canfranc) | 1980-2003 | TRD entre Zaragoza-Delicias e Jaca |
| Diurno Covadonga | Barcelona - Zaragoza - León - Xixón | ata 2008 | Actualmente suprimido. Conexión substituída por Alvia Barcelona-Vigo con correspondencia concertada en León con Alvia Madrid-Xixón |
| Diurno Sierra de Gredos | Barcelona-Sants - Salamanca / Cáceres / Plasencia | 1988 - 2000 | Actualmente suprimido. Conexión substituída por Alvia Barcelona-Bilbao con correspondencia en Zaragoza con Talgo Zaragoza-Salamanca |
| Diurno Iberia | Irún / Bilbao - Vilar Formoso / Cáceres / Madrid | Agora só circula País Vasco-Salamanca | |
| Diurno Camiño de Santiago | Vigo / A Coruña - Bilbao / Irún | ata maio de 2008 | Arco Camiño de Santiago |
| Diurno Torre del Oro | Barcelona - Valencia - Alcázar de San Juan - Cádiz | ata 2004 | AVE Barcelona-Sevilla |
| Diurno García Lorca | Barcelona - Valencia - Alcázar de San Juan - Málaga / Granada | Arco García Lorca | |
| Diurno Pullman Cerdanya | Barcelona - Latour-de-Carol | ata 1992 | Media distancia |
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
 |
Wikimedia Commons ten máis contidos multimedia na categoría: Diurno |