Transición (xenética)
En xenética, denomínase transición a unha mutación puntual que cambia un nucleótido púrico por outro nucleótido tamén púrico (A ↔ G) ou un nucleótido pirimidínico por outro tamén pirimidínico (C ↔ T). Aproximadamente dous de cada tres polimorfismos dun só nucleótido (SNPs) son transicións.[1]
As transicións poden ser causadas por desaminación oxidativa e por tautomerización.[2] O tipo de mutacións alternativo chámase transversión (púrica por pirimidínica ou viceversa). Aínda que hai dúas veces máis tipos posibles de transversións, as transicións aparecen con máis frecuencia nos xenomas, posiblemente debido aos mecanismos moleculares que as xeran.[3]
A 5-metilcitosina ten unha maior tendencia a sufrir unha transición que a citosina, non metilada debido á súa desaminación espontánea, que a converte en timina. No ADN esta reacción pode ser corrixida polo encima timina-ADN glicosilase.[4] Este mecanismo é importante porque determina a rareza das illas CpG.
Notas[editar | editar a fonte]
- ↑ Collins DW, Jukes TH (April 1994). "Rates of transition and transversion in coding sequences since the human-rodent divergence". Genomics 20 (3): 386–96. PMID 8034311. doi:10.1006/geno.1994.1192.
- ↑ "Mutations & Mutagenesis". Arquivado dende o orixinal o 23 de xaneiro de 2007. Consultado o 01 de abril de 2015.
- ↑ Ebersberger I, Metzler D, Schwarz C, Pääbo S (June 2002). "Genomewide comparison of DNA sequences between humans and chimpanzees". Am. J. Hum. Genet. 70 (6): 1490–7. PMC 379137. PMID 11992255. doi:10.1086/340787.
- ↑ Gallinari, P. (1996). "Cloning and Expression of Human G/T Mismatch-specific Thymine-DNA Glycosylase". Journal of Biological Chemistry 271 (22): 12767–74. doi:10.1074/jbc.271.22.12767. PMID 8662714.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
 |
Commons ten máis contidos multimedia sobre: Transición |
