Tottenham Hotspur F.C.

Na Galipedia, a Wikipedia en galego.
(Redirixido desde "Tottenham Hotspur")
Tottenham Hotspur
Nome Tottenham Hotspur Football Club
Alcume(s) Spurs, Lilywhites
Fundación 5 de setembro de 1882 (132 anos)
Estadio White Hart Lane,
Londres, Inglaterra
Inauguración 1899
Capacidade 36.284
Presidente Inglaterra Daniel Levy
Adestrador Inglaterra Tim Sherwood
Liga Premier League
2013–14
Páxina web Páxina web oficial
Na casa
Fóra
Terceira

O Tottenham Hotspur Football Club é un club de fútbol do norte da cidade de Londres, en Inglaterra. Fundado no ano 1882, xoga na Premier League inglesa, competición da que foi campión 2 veces. O seu rival clásico é o Arsenal, co cal disputa o Derbi do Norte de Londres.

Historia[editar | editar a fonte]

O Tottenham Hotspur FC (tamén chamado Spurs) foi fundado no ano 1882. Naceu gracias á iniciativa duns rapaces do clube de cricket Hotspur e da escola primaria local, polo que nun comezo o nome do clube foi Hotspur FC. A institución pasou a chamarse Tottenham Hotspur Football and Athletic Club en 1884. En 1887 xogouse o primeiro clásico, coñecido como Derbi do Norte de Londres contra o Arsenal FC, por entón chamado Royal Arsenal. O partido foi suspendido por mor da escuridade cos Spurs (alcume do clube) gañando por 2 a 1.

O club trasladouse en 1888 a uns terreos privados en Northumberland Park. En 1890 as cores do equipo eran camisolas vermellas e pantalóns curtos azuis. A institución se profesionalizou en 1895, e ó ano seguinte ascendeu á Primeira División da Liga. Ese ano tamén trocaron as cores, pasando o vermello e azul a negro e dourado. En 1897 consegue chegar á final dunha copa por vez primeira, caendo fronte ao local Wellingborough por 0 a 2 na Charity Cup. O club foi convertido nunha sociedade de responsabilidade limitada en 1898. Ese mesmo ano cambia as cores de novo, camisola branca e pantalón azul.

Vitoria na FA Cup de 1901.

Xa no ano 1899 o club mudouse a onde está hoxe. Ó ano seguinte o Tottenham é campión da Liga do Sur. No ano 1901 se fan coa FA Challenge Cup, converténdose no único club da liga (trala formación da Football League en 1888) en obter ese título.

No ano 1908 o Tottenham descendeu á Segunda División da Liga de Fútbol, pero ascendeu de novo ó ano seguinte. Aos descensos dos anos 1915, 1928 e 1935 lles sucederon os ascensos dos anos 1920, 1933 e 1950.

Os grandes éxitos do Tottenham Hotspur FC comenzaron en 1951, cando recentemente ascendido, o club gañou por vez primeira o campionato inglés de liga, feito que repetiu no ano 1961. Ese ano tamén gañaron a FA Cup, repetindo en 1962. En 1963 o Tottenham conseguiu a Recopa de Europa fronte ó Atlético de Madrid, vencendo por 5 a 1 na final xogada en Rotterdam. Foi o primeiro club inglés en gañar unha competición europea.

A pesares de gañar de novo a FA Cup en 1967, e a súa 1ª Copa da UEFA en 1972 (fronte ao Wolverhampton), na liga inglesa o club descende de novo en 1977. En 1978 ascenderon de novo á Primeira División, gañaron 2 FA Cup seguidas en 1981 e 1982, e no ano 1983 converteuse no primeiro club inglés en saír á Bolsa de Londres. En 1984 o Tottenham gaña a súa 2ª Copa da UEFA fronte ao Anderlecht.

White Hart Lane, fogar do Tottenham.

O Tottenham Hotspur gañou a súa 8ª e derradeira FA Cup en 1991. No ano 1992 o club foi un dos membros fundadores da nova Premier League.

En 2001 chegou á presidencia o seu actual presidente, Daniel Levy. En 2010 o equipo rematou 4º na Premier clasificándose despois de mais de 40 anos para xogar na Liga de Campións.

Estadio[editar | editar a fonte]

O Tottenham Hotspur trasladouse a White Hart Lane en 1899. O seu primeiro partido neste campo rematou cunha vitoria sobre o Notts County por 4 a 1. Entre os anos 1908 e 1972, White Hart Lane foi un dos poucos campos de fútbol británicos que non amosaban ningunha publicidade.

Ó redor de 1923 o recinto foi ampliado para acoller a 50.000 persoas cubertas. En 1953 lle foi introducida a iluminación artificial. O club está traballando nun proxecto para construír un novo estadio que teña acollida para 60.000 seareiros.

Xogadores 2011/12[editar | editar a fonte]

Gareth Bale.
Posto País Xogador
2 DIA Flag of the United States.svg Clint Dempsey
4 DEF Francia Younès Kaboul
5 DEF Bélxica Jan Vertonghen
6 MED Inglaterra Tom Huddlestone
7 MED Inglaterra Aaron Lennon
8 MED Inglaterra Scott Parker
10 DIA Flag of Togo.svg Emmanuel Adebayor
11 MED Gales Gareth Bale
13 DEF Francia William Gallas (C)
16 DEF Inglaterra Kyle Naughton
18 DIA Inglaterra Jermain Defoe
Posto País Xogador
19 MED Bélxica Mousa Dembélé
20 DEF Inglaterra Michael Dawson (C)
22 MED Islandia Gylfi Sigurðsson
23 MED Alemaña Lewis Holtby
24 POR Flag of the United States.svg Brad Friedel
25 POR Francia Hugo Lloris
28 DEF Inglaterra Kyle Walker
29 MED Inglaterra Jake Livermore
30 MED Flag of Brazil.svg Sandro
32 DEF Costa do Marfil Benoît Assou-Ekotto
33 DEF Inglaterra Steven Caulker

Palmarés[editar | editar a fonte]

PIA04301.jpg
Cercle rouge 100%.svg
Gtk-go-forward-ltr.svg
.Situación do club no norte de Londres.

Torneos nacionais[editar | editar a fonte]

Torneos internacionais[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Tottenham Hotspur F.C.