Tomás Mac Curtain

Na Galipedia, a Wikipedia en galego.

Tomás Mac Curtain, nado en Ballyknockane, condado de Cork, o 20 de marzo de 1884, e finado en Cork, o 20 de marzo de 1920, foi un político irlandés vencellado ao Sinn Féin.

Traxectoria[editar | editar a fonte]

Achegado dende moi novo ao movemento nacionalista irlandés, chegou a ser secretario da Conradh na Gaeilge en 1902, con só 18 anos. En 1911 uniuse ao Fianna Éireann e foi membro fundador dos Voluntarios Irlandeses. Durante o Alzamento de Pascua capitaneou un grupo de 1.000 homes en Cork o Domingo de Pascua, pero acabaron dispersándose ao recibiren ordes contraditorias dos mandos establecidos en Dublín. Durante a Guerra de Independencia Irlandesa ascendeu ao grao de comandante no IRA e foi elexido para o cargo honorífico de Lord Maior de Cork. Foi asasinado por efectivos da Royal Irish Constabulary, corpo de policía ao servizo das forzas británicas durante o conflito.

Véxase tamén[editar | editar a fonte]

Ligazóns externas[editar | editar a fonte]