Tiraboleiro
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Os tiraboleiros (os que manexan o turibulum, en latín incensario) son as persoas encargadas de desprazar o botafumeiro pola Catedral de Santiago de Compostela.
O equipo está integrado por 8 persoas, todas homes, que non se dedican profesionalmente a este labor. Visten cunhas sotanas vermellas. O traballo dos tiraboleiros consiste en transportar o botafumeiro dende o museo da catedral ata o cruceiro do templo, cargalo de carbón e incenso, penduralo da corda e posteriormente poñelo en movemento. Para iso teñen primeiro que empurralo, e logo aproveitar a inercia do botafumeiro para, coa axuda da corda e dun sistema de poleas, irlle dando velocidade e percorrido. Tamén son os tiraboleiros os que deteñen o botafumeiro, chapándoo ao voo.
Historia[editar | editar a fonte]
A orixe da palabra tiraboleiro atopámola no latín turiferarium, ou sexa, o que move o incenso.