Thomas Hardy

Thomas Hardy

Biografía
Nacemento	2 de xuño de 1840 Dorchester, Reino Unido (pt)
Morte	11 de xaneiro de 1928 (87 anos) Dorchester, Reino Unido (pt)
Causa da morte	Morte natural
Lugar de sepultura	Abadía de Westminster Stinsford (en)
Datos persoais
País de nacionalidade	Reino Unido
Educación	King's College de Londres - sen valor (1865–1866) Architectural Association School of Architecture (pt)
Actividade
Ocupación	escritor , guionista , novelista , poeta
Membro de	Academia das Artes e das Ciencias dos Estados Unidos Real Sociedade de Literatura
Xénero artístico	novela, poesía
Movemento	Naturalismo, Literatura vitoriana
Lingua	Lingua inglesa
Obra
Obras destacables Tess of the d'Urbervilles Far from the Madding Crowd Jude o escuro
Arquivos en	Dorset History Centre (en) British Library Biblioteca Beinecke de livros e manuscritos raros (pt) [ GEN MSS 307] Harry Ransom Center (pt) [ MS-01831]
Familia
Cónxuxe	Emma Gifford (1874–1912) Florence Dugdale (1914–1928)
Premios (1909)  Orde do Mérito do Reino Unido  membro da Royal Society of Literature
Sinatura

Thomas Hardy, nado en Stinsford o 2 de xuño de 1840 e finado en Dorchester o 11 de xaneiro de 1928, foi un poeta e novelista inglés.

Traxectoria

Thomas Hardy naceu en Higher Bockhampton ("Upper Bockhampton" na actualidade), unha aldea na parroquia de Stinsford no leste de Dorchester en Dorset. O seu pai Thomas traballaba como tallador de pedra e construtor local, a súa nai Jemima era unha muller culta que lle proporcionou lecturas ata que foi á escola en Bockhampton aos oito anos de idade. Logo continuou os seus estudos en Dorchester, onde aprendeu latín e demostrou o seu potencial académico. Como a familia de Hardy carecía de medios para que o fillo fora a universidade rematou os seus estudos á idade de dezaseis anos, entrando como aprendiz de John Hicks, arquitecto e restaurador de Dochester.. En 1859 compuxo Domicilium, o seu primeiro poema. En 1862 marchou a Londres como axudante dun arquitecto da capital e matriculouse no King's College. Consciente da división de clases e da súa inferioridade social, interesouse pola reforma social e estivo familiarizado coas obras de John Stuart Mill. Neste período o seu amigo Horace Moule deulle a coñecer os escritos de Charles Fourier e Auguste Comte. En 1867 volveu a Dochester para traballar de novo con Hicks e nese ano comezou a escribir a súa primeira novela, hoxe desaparecida, que tiña como título The Poor Man and the Lady. Despois da morte de Hicks trasladouse a Weymouth para traballar co seu sucesor, Crickmay. En 1870 durante unha estadía en Cornualla para restaurar unha igrexa coñeceu á que sería a súa dona, Emma Lavinia Gifford, casando en 1874. En 1871 publicou de forma anónima a súa primeira novela, Desesperate Remedies que comezara a escribir dous anos antes. Seguíronlle Under the Greenwood Tree (1872), A Pair of Blue Eyes (1873) e Far from the Madding Crowd (1874), a primeira que tivo éxito e que lle permitiu deixar a arquitectura centrándose en escribir.

Obra

Hardy foi un realista vitoriano, na tradición de George Eliot, mais tamén recibiu unha forte influencia nas súas poesías e nas súas novelas do Romanticismo, especialmente de William Wordsworth. Charles Dickens foi outra grande influencia. e coma el foi moi crítico con moito da sociedade vitoriana, aínda que Hardy focalizou máis a súa obra na decadente sociedade rural.

Aínda que Hardy escribiu poesía ao longo da súa vida e el considerábase a si mesmo principalmente un poeta, non publicou a súa primeira colección de poesía ata 1898 e na súa época gañou fama como autor de novelas como Far from the Madding Crowd (1874), The Mayor of Casterbridge (1886), Tess of the d'Urbervilles (1891) e Jude the Obscure (1895). Non obstante a partir da década de 1950 a súa poesía viuse recoñecida como unha gran figura poética, e exerceu unha influencia significativa no grupo de poetas coñecidos como The Movement, entre eles Phillip Larkin.

Moitas das súas obras de ficción publicáronse por partes en revistas localizándose nunha rexión semificticia de Wessex, explorando a tráxica loita dos personaxes contra as súas paixóns e as circunstancias sociais.