The Purge

The Purge
Ficha técnica
Título orixinal	The Purge
Director	James DeMonaco
Produtor	Michael Bay; Jason Blum; Andrew Form; Bradley Fuller; Sébastien Kurt Lemercier
Guión	James DeMonaco
Intérpretes	Ethan Hawke; Lena Headey
Música	Nathan Whitehead
Estudio	Platinum Dunes; Blumhouse Productions
Distribuidora	Universal Pictures
Estrea	2 de maio de 2013
Duración	85 minutos
Orixe	Estados Unidos
Xénero	Suspense e terror
Orzamento	$3 000 000
Recadación	$89 300 000
Filme seguinte	The Purge: Anarchy
Na rede
	http://NewFoundersAmerica.org

The Purge é un filme estadounidense dirixido e escrito por James DeMonaco que se estreou no 2013. Está protagonizado por Ethan Hawke e Lena Headey. O filme está ambientado no 2022, cando os Estados Unidos se converteron nunha "nación renacida", cos índices de desemprego e criminalidade máis baixos da historia, debido a que o goberno instituíu un período de 12 horas anual coñecido como "a Purga", durante o cal toda actividade criminal (incluíndo asasinatos, roubos, violacións etc.) son legais. As únicas regras durante a Purga son que os oficiais do goberno de clasificación "10 ou superior" teñen inmunidade e que non está permitido usar armas por riba da "Clase 4" (como bombas de destrución). A Purga está deseñada para actuar como unha catarse para o pobo americano, coa cal poder desfacerse de todas as cousas negativas que gardan durante o ano.

Sinopse[editar | editar a fonte]

Ano 2022. Nunha futura sociedade distópica, o réxime político vixente, chamado Novos Pais Fundadores de América, decidiron como medida catárquica implantar a "purga anual", unha regra pola que unha noite de cada ano pódese cometer calquera crime, incluíndo asasinatos e violacións, sen ter que facer fronte ás consecuencias nin responder ante a xustiza. Así, cando as viciadas novas regras do mundo exterior ameacen a súa casa, os membros dunha familia acomodada verán a súa vida en perigo logo de deixar entrar na súa casa a un indixente que estaba a ser perseguido polos seus "cazadores".