A máscara do Zorro

A máscara do Zorro
Título orixinal	The Mask of Zorro
[[Ficheiro:|200px| ]]
Ficha técnica
Director	Martin Campbell
Produtor	Steven Spielberg Doug Claybourne Lucas Foster
Guión	John Eskow Ted Elliott Terry Rossio
Baseado en	Personaxes de Johnston McCulley
Intérpretes	Antonio Banderas Anthony Hopkins Catherine Zeta-Jones Stuart Wilson
Música	James Horner
Fotografía	Phil Meheux
Montaxe	Thom Noble
Estudio	TriStar Pictures Amblin Entertainment Zorro Productions, Inc. David Foster Productions
Distribuidor	Sony Pictures Entertainment
Ano	17 de xullo de 1998 22 de decembro de 2010 (TVG)
Duración	136 minutos
País	Estados Unidos
Xénero	Aventuras, Romance
Orzamento	$95.000.000
Filme anterior
Filme seguinte
Ficha en IMDb

A máscara do Zorro (na versión orixinal The Mask of Zorro) é un filme estadounidense dirixido por Martin Campbell e producido por Steven Spielberg que foi estreado en 1998. Estreouse en galego na TVG o 22 de decembro de 2010.

Argumento

México, 1821. Un enmascarado e aclamado heroe popular, coñecido como o Zorro, loita con éxito contra a opresión colonial española na Alta California, representada polo tiránico gobernador don Rafael Montero. Porén, a véspera da liberación de México, Montero descobre que a identidade secreta do Zorro é a de don Diego de la Vega. Un inesperado ataque contra a casa do rebelde, saldarase coa súa captura, a morte da súa muller, o secuestro de Elena, a súa única filla, e a destrución das súas propiedades. Vinte anos despois, Montero regresa do exilio con Elena, que ignora a identidade do seu pai auténtico, e proponse mercar California ó Presidente de México, o Xeneral Santa Anna. Cando don Diego de la Vega se decata, foxe da prisión disposto a vingarse de Montero. Parte do plan consiste en adestrar e transformar a Alejandro Murrieta, un bandoleiro cun treboento pasado, no novo Zorro, para que lle axude a frustrar os plans de Montero dunha vez para sempre. Murrieta farase pasar por un rico terratenente español disposto a gañar a confianza de Montero.

Personaxes

• Antonio Banderas como Alejandro Murrieta / Zorro
• Anthony Hopkins como Don Diego De La Vega / Zorro
• Catherine Zeta-Jones como Elena (De La Vega) Montero
• Stuart Wilson como Don Rafael Montero
• Matt Letscher como Capitán Harry Love
• Tony Amendola como Don Luiz
• Pedro Armendáriz, Jr. como Don Pedro
• L.Q. Jones como Three-fingered Jack
• Julieta Rosen como Esperanza De La Vega

Galardóns e nomeamentos

• 1998: 2 nomeamentos ó Oscar: Mellor son e efectos de son.
• 1998: 2 nomeamentos ó Globo de Ouro: Mellor filme de comedia e actor comedia.
• 1998: Nomeada ó BAFTA: Mellor vestiario.

Véxase tamén

Ligazóns externas

• Ficha na IMDb (en inglés)
• Ficha en AllMovie (en inglés)
• Ficha en RottenTomatoes (en inglés)
• Ficha en Metacritic (en inglés)
• Ficha en BoxOfficeMojo (en inglés)