The Big Sleep (novela)

Na Galipedia, a Wikipedia en galego.
The Big Sleep
Autor Raymond Chandler
País Estados Unidos
Lingua inglés
Xénero(s) Novela negra
Editorial Alfred A. Knopf
Data de pub. 1939
Formato tapa dura e tapa branda
Páxinas 277
ISBN ISBN 978-0-14-010892-7
Seguido por Farewell, My Lovely

The Big Sleep é unha novela negra de Raymond Chandler publicada en 1939, a primeira da saga do detective privado Philip Marlowe. A obra foi adaptada dúas veces ao cinema, unha en 1946 e outra en 1978.

A historia é coñecida pola súa complexidade, con moitos personaxes cruzados e moitos segredos desvelados ao longo da trama. O título é un eufemismo da morte.

Trama[editar | editar a fonte]

Aviso: Esta sección pode revelar detalles da trama e/ou do argumento.

O detective privado Philip Marlowe é chamado á mansión do Xeneral Sternwood, un ancián parapléxico que lle pide que negocie co chantaxista Arthur Gwynn Geiger, que se fai pasar por un comerciante de libros raros. Geiger prestoulle cartos á filla menor do Xeneral, Carmen, que é ludópata, e fíxolle asinar obrigas de pago. Antes de que Marlowe marche da mansión, a outra filla do Xeneral, Vivian, pregúntalle o motivo da súa visita, pois ela pensa que foi contratado para atopar o seu marido, Rusty Regan, que desaparecera aproximadamente un mes antes.

Marlowe visita a libraría de Geiger, onde descobre que a asistente, Agnes, non sabe nada sobre libros raros. Mentres espera, un cliente visita a sala dos fondos da tenda e sae cun libro. Despois de seguilo e coller o libro, Marlowe deduce que Geiger fai presta imaxes pornográficas e despois chantaxea á súa clientela. Marlowe regresa á tenda, e ao saír Geiger ségueo até a súa casa. Logo dun tempo, escoita tiros e o berro dunha muller. Irrompe na casa e e atopa a Geiger morto no chan diante dunha cámara e a Carmen espida e drogada. A cámara xa non ten o carrete. Marlowe leva a Carmen para a súa casa sen chamar a policía. Ao regresar á escena do crime, o corpo de Geiger desapareceu.

Á mañá seguinte o inspector da policía Bernie Ohls chama a Marlowe para dicirlle que o chofer dos Sternwoods, Owen Taylor, foi atopado morto no porto. Ao parecer, partiu do peirao e afogou, pero o médico sospeita que a causa da morte podería ser un golpe na cabeza[1]. Marlowe visita a libraría de novo, e observa que os libros están sendo trasladados ás instalacións de Joe Brody, un ex-amante de Carmen, ao que o Xeneral Sternwood pagara para que a deixase. A continuación Marlowe vai á súa oficina e atopa a Vivian esperándoo. Ela dille que unha muller anónima intentou extorsionala para non amosar unhas fotos de Carmen espida. Marlowe visita a escena do crime por terceira vez, e atopa a Carmen buscando as fotos. Nese momento chega Eddie Mars, un gángster que ten un casino local, dicindo que é o caseiro de Geiger.

Marlowe visita a Joe Brody pensando que ten as fotos comprometedoras de Carmen. Brody, xunto con Agnes, está tentando asumir o negocio de Geiger, incluíndo a chantaxe. Carmen chega nerviosa cun arma e dispara sobre Brody, pero non acerta. Marlowe colle a arma e dille a Carmen que marche a casa. Despois interroga a Brody, que di que mirara a Owen Taylor deixar a escena do asasinato de Geiger, e que o perseguiu e lle quitou as fotos tras agredilo, pero nega ser o seu asasino. Outra persoa bate na porta e pregunta por Brody. Brody vai cara á porta, pero recibe un disparo mortal antes de abrila. Marlowe persegue ao agresor, captúrao e recoñéceo como o o outro asistente da tenda de Geiger. O mozo é Carol Lundgren, e Marlowe deduce que é o amante homosexual de Geiger Brody, que actuou por vinganza crendo erroneamente que Brody o matara. Lundgren fora quen levara o corpo de Geiger ao garaxe e despois a outra sala, e despois colocárao fóra con velas negras. Marlowe leva a Lundgren á comisaría xunto a Bernie Ohls.

Marlowe visita a oficina de persoas desaparecidas e descobre que Regan aparentemente fuxiu con Mona Mars, a esposa de Eddie Mars. Eddie Mars dille a Marlowe que vaia ao seu club, onde Mars tenta subornalo para que deixe o caso, e Marlowe deduce que Mars sabe algo que podería ser moi prexudicial para os Sternwoods e que está a chantaxear a Carmen. Marlowe pregúntalle a Mars se é el quen o mandou seguir nun coche, e Mars di que non sabe nada. Marlowe ve como Vivian gaña unha gran cantidade de cartos na ruleta, e séguea cando sae do casino. No aparcamento, sálvaa dun atraco aparente, e lévaa cara á praia, onde ela intenta seducilo. El négase a seguirlle o xogo e lévaa a casa. Ao regresar ao seu propio domicilio atopa a Carmen espida na súa cama, e el bótaa fóra enfadado.

O perseguidor de Marlowe resulta ser un tal Harry Jones, que traballa con Agnes. Despois de enganalo e obrigalo a seguilo, Jones véndelle a información de que a esposa de Mars está secuestrada nun lugar secreto por un dos homes de Eddie Mars, Canino. Ela nunca fuxiu con Regan, e está agochada para que a xente non pense que Eddie Mars matou a Regan. Jones dille a Marlowe que apareza no seu despacho esa mesma noite con 200 $ para que Agnes lle diga inde está Mona Mars. Cando Marlowe chega ao despacho de Jones, escoita a Canino presionando a Jones para que lle diga onde está Agnes. Jones míntelle, e Canino suxire tomar unha copa para celebrar o acordo. Canino envelenar a bebida con cianuro e mata a Harry. Cando Marlowe examina o corpo de Harry para atopar unha pista sobre a verdadeira situación de Agnes, soa o teléfono e resulta ser ela, e acordan atoparse. Ela dálle a localización de Mona a cambio de 200 $, pero el non lle di que Harry está morto.

De camiño ao escondite de Mona, Marlowe pincha dous pneumáticos. Porén, esta fatalidade dálle a ocasión de chegar ao escondite de Mona, oculto nun taller. Alí recoñece a Canino, que está no taller cun mecánico e que inicialmente non recoñece a Marlowe. O mecánico bate en Marlowe, deixándoo inconsciente. Esperta na casa onde se aloxa Mona, esposado e atado. El pregúntalle se o seu marido foi quen matou a Regan, e ela dille que non. Despois libérao, aínda que non pode abrir as súas esposas.

Canino regresa e comeza un tiroteo. Canino falece e Marlowe vai á policía, que non presenta cargos contra el. Ao día seguinte Marlowe visita ao Xeneral Sternwood, e este enfádase porque pensa que Marlowe intentou atopar a Rusty Regan, malia que non fora iso o que se lle pedira. Ao saír Marlowe devólvelle a Carmen o seu revólver, e ela pídelle a Marlowe que lle ensine a usalo. Carmen leva a Marlowe a un campo abandonado de extracción de petróleo pertencente aos Sternwood. El pon unha lata nunha polea a uns 10 m de distancia para que ela dispare, pero ao regresar cara a ela, Carmen dispara contra el nun acceso de ira. Por sorte, Marlowe pensara nesa posibilidade, e metera na arma balas vacías. A continuación, Carmen ten un ataque epiléptico. Marlowe leva a Carmen á casa e vai canda a Vivian, contándolle a súa teoría de que Carmen foi quen matou a Regan. Marlowe pensa que Regan botara a Carmen fóra da súa cama, ao igual que fixera o propio Marlowe, provocando así o odio de Carmen. Ao igual que co detective, ela pedriríalle que lle aprendese a disparar e mataríao. Vivian admite que Carmen disparou a Regan e que Vivian pediu a Eddie Mars que a encubrise, pero el chantaxeouna. Marlowe promete non ir á policía se Carmen é ingresada nun sanatorio.

O libro remata con Marlowe pensando nas súas aventuras, e na desagradable e sórdido comedia humana na que foi introducido.

Narración[editar | editar a fonte]

O libro, como toda a saga de Philip Marlowe, está narrado en primeira persoa e ambientado en Los Angeles (Bunker Hill, Hollywood...), con incursións a outros lugares de California. Neste caso está ambientado en outono.

Notas[editar | editar a fonte]

  1. A morte de Taylor non aparece explicada. Chandler posteriormente sorprendeuse ao decatarse de que non sabía quen o matara. Hiney, T. e MacShane, F.: "Letter to Jamie Hamilton, 21 March 1949", en The Raymond Chandler Papers, p. 105, Atlantic Monthly Press, 2000 (en inglés).

Véxase tamén[editar | editar a fonte]

Ligazóns externas[editar | editar a fonte]

Raymond Chandler
Creador de Philip Marlowe
Obras
novelas: The Big Sleep (1939) Farewell, My Lovely (1940) The High Window (1942) The Lady in the Lake (1943) The Little Sister (1949) The Long Goodbye (1954) Playback (1958) Poodle Springs (1989)
relatos: Five Murderers · Five Sinister Characters · Fingerman and Other Stories · The Simple Art of Murder · Killer in the Rain · Chandler Before Marlowe · The Midnight Raymond Chandler
guións: Double Indemnity · And Now Tomorrow · The Unseen · The Blue Dahlia · Strangers on a Train · Playback
outras obras: Raymond Chandler Speaking · Selected Letters of Raymond Chandler
Adaptacións cinematográficas
The Falcon Takes Over (1942) Murder, My Sweet (1944) The Big Sleep (1946) The Brasher Doubloon (1947) Lady in the Lake (1947) The Long Goodbye (1973) Farewell, My Lovely (1975) The Big Sleep (1978)