Teverga

Na Galipedia, a Wikipedia en galego.
Teverga
Flag of teverga.png Escudo de Teverga.svg
Situación xeográfica
Teberga Asturies map.svg
País España
Comunidade Autónoma Flag of Asturias.svg Asturias
Comarca Oviedo
Partido xudicial Grado
Xeografía
Altitude msnm
Superficie 168,86 km²
Poboación
Poboación 1.933 hab. (2009)
Densidade 11,47 hab./km²
Xentilicio tevergano
Información
Código postal 33111
Alcalde María Carmen Fernández Alonso (PSOE)
Páxina web http://www.aytoteverga.org/

Teverga (en asturiano: Teberga) é un concello do sur do Principado de Asturias, en España.

Limita ao norte con Belmonte de Miranda, Grado, Yernes y Tameza e Proaza; ao sur coa provincia de León, ao oeste con Somiedo e ao leste con Quirós e Proaza.

Antigo concello mineiro, actualmente basea a súa economía na agricultura e no emerxente turismo, sobre todo coa recente inauguración do Parque da Prehistoria en terras teverganas. Na súa accidentada xeografía destacan a pena Sobia cunhas impresionantes paredes verticais de pedra calcaria e o Camín Real del Puerto de la Mesa.

Parroquias[editar | editar a fonte]

O concello de Teverga está dividido en 13 parroquias:

  • Alesga
  • Barrio (Barriu en asturiano)
  • Carrea
  • La Focella (La Foceiḷḷa)
  • La Plaza
  • Páramo (Parmu)
  • Riello (Rieḷḷu)
  • Santianes
  • Taja (Taxa)
  • Torce
  • Urria
  • Villamayor (Viḷḷamayor)
  • Villanueva (Viḷḷanueva)

Demografía[editar | editar a fonte]

Gráfica de población de Teverga (Asturias)

Fonte: Instituto Nacional de Estadística de España - Elaboración gráfica por Wikipedia

Sitios de interese[editar | editar a fonte]

Colexiata de San Pedro[editar | editar a fonte]

Colexiata de San Pedro.

Dentro de todas as obras arquitectónicas do concello, a de maior repercusión é a antiga Colexiata de San Pedro de Teverga. Foi construída antes do ano 1096, e o seu estilo pertence a unha etapa de transición entre o ramirense e o románico de Castela. Posúe un gran patio central, a cuxos lados podemos divisar a casa abacial, a igrexa parroquial, a sancristía e sobre esta a sala capitular. A fachada presenta unha torre campanario cun reloxo. A súa construción está realizada en cantería, e no seu interior gárdanse embalsamados os corpos de Pedro Analso de Miranda, Abade da Colexiata e do seu pai o Primeiro Marqués de Valdecarzana. Tamén sobresae a súa escultura cun importante conxunto de modillóns e unha fermosa decoración de capiteis.

Parque da Prehistoria[editar | editar a fonte]

Área de recepción do Parque.

O parque da prehistoria de Teverga está situado á entrada da localidade asturiana de San Salvador de Alesga no concello de Teverga.

Este parque inaugurado o 24 de marzo de 2007 é unha representación das covas máis famosas de arte rupestre do mundo, centrado sobre todo no arco atlántico. Están representadas Altamira, Covalanas, Lascaux, Niaux, Chauvet, Tito Bustillo, Candamo, Covaciella e Llonín.

O parque posúe dúas áreas expositivas: A galería e a Cova de Cuevas. Ambas as instalacións, así como a zona de servizos, que consta de cafetería e tenda, están integradas na paisaxe natural e delas só sobresaen no relevo as entradas, quedando o resto de cada unha das instalacións baixo terra.

Este Parque da Prehistoria de Teverga, representa xunto ao Museo Jurásico de Asturias (MUJA) o expoñente dos novos museos asturianos: modernos, interactivos, dinámicos, enmarcados en paraxes rurais de gran beleza natural, con facilidade de accesos e instalacións suficientes para responderen ás necesidades dos visitantes.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Teverga