Tetrahymena
- Para a especie principal do xénero ver Tetrahymena thermophila.
| Tetrahymena | |||||||||||||||
|---|---|---|---|---|---|---|---|---|---|---|---|---|---|---|---|
 Tetrahymena thermophila | |||||||||||||||
| Clasificación científica | |||||||||||||||
| |||||||||||||||
| Especies | |||||||||||||||
|
T. hegewischi | |||||||||||||||
Tetrahymena é un xénero de protozoos ciliados de vida libre. En certos caos pode tamén adoptar unha forma de vida comensal ou patoxénica; por exemplo, no peixe guppy Tetrahymena pode causar unha doenza mortal[1]. Son comúns en estanques de auga doce. Algunhas especies de Tetrahymena utilízanse como organismos modelo en investigacións biomédicas, como T. thermophila e T. pyriformis.[2] Entre os descubrimentos realizados estudando Tetrahymena salientaremos o da estrutura dos telómeros e a telomerase, o autosplicing do ARN, as primeiras proteínas motoras e a regulación xénica por acetilación das histonas.
Tetrahymena ten dous tipos de núcleos (dimorfismo nuclear), un pequeno (micronúcleo), diploide usado para a reprodución e outro máis grande (macronúcleo) poliploide para o funcionamento da célula. O macronúcleo divídese por amitose e periodicamente debe ser rexenerado a partir do micronúcleo. Ten tamén reprodución por conxugación.
As especies do xénero Tertrahymena teñen un tamaño de 30-60 microns e están cubertas completamente por unha ciliatura típica de holotrico. A ciliatura sérvelle para a locomoción e é moi sensible aos estímulos sensoriais. O organismo ten un aparato oral de grande tamaño, comparable ao do paramecio. As catro membranas que ten na zona oral danlle o nome a este xénero (tetra = catro, hymen = membrana); estas catro membranas están situadas a esquerda e dereita, tres membranas de tipo membranela a un lado e unha membrana ondulante no outro. A célula presenta un citoprocto para a excreción de residuos.
Notas[editar | editar a fonte]
- ↑ "Guppy disease - Tetrahymena". Arquivado dende o orixinal o 28 de febreiro de 2014. Consultado o 14 de xuño de 2014.
- ↑ Alfred M. Elliott (1973). Biology of Tetrahymena. Dowen, Hutchinson and Ross Inc. ISBN 0-87933-013-9.
Véxase tamén[editar | editar a fonte]
Ligazóns externas[editar | editar a fonte]
- Tetrahymena Stock Center na Cornell University
- ASSET: Advancing Secondary Science Education por medio de Tetrahymena
- experimentos con Tetrahymena no Journal of Visualized Experiments (JoVE)
- Microbial Digital Specimen Archives: galería de imaxes de Tetrahymena
| Control de autoridades |
|
|---|
