Teodato

Na Galipedia, a Wikipedia en galego.
Efixie de Teodato

Teodato (nacido en 507 ou 511 e falecido en 536) foi duque de Tuscia e reinou sobre os ostrogodos do ano 534 ao 536.

Traxectoria[editar | editar a fonte]

Fillo de Amalafrida, irmá de Teodorico o Grande, ascendeu ao trono ao casar coa súa curmá Amalasunta, filla de Teodorico. Fixo exiliar á súa esposa ao lago de Bolsena e ordenou matala no 535. O asasinato de Amalasunta foi usado polo emperador bizantino Xustiniano I para non recoñecer a lexitimidade do reinado de Teodato e invadir Italia. A "reconquista" de Italia polo Imperio Bizantino levaría case dúas décadas e sería máis destrutora que as invasións bárbaras dos dous séculos anteriores.

A acción bélica iniciouse coa invasión do sur de Italia. Despois de que Belisario, xeneral do Imperio, conquistase Nápoles en 536, Teodato foi asasinado polo seu pobo, que elixiu a Vitixes como o seu sucesor. O novo rei ordenara a morte do seu antecesor.