Telamón

Na Galipedia, a Wikipedia en galego.

Na mitoloxía grega, Telamón (en grego Τελαμών), fillo de Éaco, rei de Exina, e Endeis, irmán de Peleo, acompañou a Xasón como un dos seus argonautas e estivo presente na caza do xabarín de Calidón. Tamén participou na Guerra de Troia no bando dos gregos, xunto con seu fillo, Aiax.

Foi pai de Aiax, coa súa primeira dona, Peribea, e de Teucro, con Hesíone.

Outros usos[editar | editar a fonte]

Chámase telamón á columna ou piar en forma de home forzudo, case sempre con barba, que sostén sobre os seus ombreiros e caluga o peso simbólico dos capiteis dun edificio. Tamén é coñecido como atlante.