Tampereen Ilves

Na Galipedia, a Wikipedia en galego.
Tampereen Ilves
Hulkkonen Antti Ilves 2009 1.jpg
Fundado en 1931
Sede Tampere.vaakuna.svg Tampere,
Pirkanmaa.vaakuna.svg Pirkanmaa
Finlandia Finlandia
Cancha Tampereen jäähalli
(7.600 espectadores)
Cores Verde, amarelo, negro e branco
                       
Liga Liiga
Campionatos 16
Adestrador Finlandia Raimo Helminen
Propietario Flag of the United States.svg Vincent Manngard
Equipos(s) afiliado(s) Lempäälän Kisa (Mestis)
Ilves Uniform.jpg
Sitio Web http://www.ilves.com

O Tampereen Ilves, ou símplemente Ilves, é un equipo profesional de hóckey sobre xeo da cidade de Tampere (Finlandia). Actualmente compite na SM-liiga, a máxima categoría do hóckey sobre xeo finlandés, competición que gañou en 16 ocasións, se ben non gañou máis dun título dende que a competición adoptou a denominación actial. Xoga os seus partidos como local no Tampereen jäähalli, un pavillón con capacidade para 7.600 espectadores.

Historia[editar | editar a fonte]

O Ilves foi fundado no instituto Tampereen Lyseo en 1931, sendo o seu primeiro presidente Niilo Tammisalo, e xogando o seu primeira partido oficial no xeo do lago Näsijärvi, caendo por 2 goles a 1 fronte ao Tapereen Palloilijat (TaPa) marcando par o Ilves Reino Lahtinen. En 1934 o Ilves acadou o terceiro posto do campionato finlandés, gañando a medalla de bronce, e tan só dous anos despois (en 1936) proclamouse campión por primeira vez na súa historia, revalidando o título os dous anos seguintes.

En 1942, logo de permanecer invicto durante catro anos, o Ilves perdeu un partido en Hämeenlinna, onde o Tarmo puxo fin a unha xeira de 34 vitorias consecutivas. En 1945 o Ilves alzouse nóvamente como campión finlandés, revalidándoo nóvamente os dous anos seguintes, e conseguindo nóvamente entre 1950 e 1952 outros tres títulos consecutivos sen perder ningún partido.

En 1965 construiuse en Tampere o primeiro estadio cuberto de hóckey sobre xeo, o Hakametsän jäähalli, converténdose o moderno estadio na casa do Ilves.

En 1970 finaliza na segunda posición por terceiro ano consecutivo. O equipo consigue estar entre as tres primeiras posicións durante nove anos seguidos, conseguindo dúas medallas de ouro, catro de prata e tres de bronce entre 1963 e 1970. O 15º título do equipo chegou en 1972, coa superestrela canadiana Len Lunde (primeiro xogador extranxeiro do Ilves e que tamén adestraría ao equipo).

Entre 1976 e 1982 o equipo sufre unha crise de resultados, non conseguindo ningunha medalla nestes anos, mais en 1985 chegaría o 16º título nacional tras derrotar ao TPS nunha emocionante final ao mellor de cinco partidos na que os de Turku gañaron os dous primeiros partidos e o Ilves conseguiu remontar a final na mellor remontada vista nunca no hóckey finlandés. En 1990 rematou na segunda posición, gañando na final o TPS por catro partidos a dous. En 1998, tras non conseguir ningunha medalla nas sete tempadas anteriores, o Ilves chegou unha vez máis á final baixo a dirección do adestrador ruso Vladimir Jursinov, onde o IFK Helsinki dominou a serie e gañou o título tras vencer en tres partidos (3-0). A última medalla gañada ata o momento polo equipo chegou en 2001, cando conseguiu unha sorprendente terceira posición, mais tan só dous anos despois o equipo viviría a súa tempada máis triste logo de finalizar na derradeira posición na liga, conseguindo sen embargo ao ano seguinte unha meritoria sexta praza baixo a dirección do adestrador checo Vaclav Sykora. En 2005, logo dunha mala tempada de outono, a tripla do canadiano Steve Kariya, o checo ex de Atlanta Trashers Patrik Stefan, e Hannes Hyvönen axudou ao Ilves a conseguir unha meritoria sétima posición, mellorando ao ano seguinte cunha sexta praza.

No 2008 retirouse un dos mellores xogadores do Ilves, Raimo Helminen, rematando a tempada nos cuartos de final fronte ao Oulun Kärpät, que finalmente se faría co título de liga. Sen embargo, no 2010 o equipo finaliza a liga regular na última posición, gañando a permanencia nos playoffs. Ao ano seguinte, no 2011, o equipo integrado principalmente por xogadores xoves conseguiu unha meritoria oitava posición.

Palmarés[editar | editar a fonte]

  • 16 Campionatos de Finlandia
    • 15 SM-sarja: 1936, 1937, 1938, 1945, 1946, 1947, 1950, 1951, 1952, 1957, 1958, 1960, 1962, 1966 e 1972
    • 1 SM-liiga: 1985

Xogadores[editar | editar a fonte]

Bandeiras conmemorando os títulos do equipo e os números retirados no Tampereen jäähalli.

Capitáns do equipo[editar | editar a fonte]

Ao longo da súa historia os Ilves tiveron varios capitáns:[1]

Capitáns de 1933 a 1976
Nome(s) Periodo
Niilo Tammisalo 1933 a 1934
Risto Lindroos 1933 a 1937
Jussi Tiitola 1937-1939
Ningún capitán 1939 a 1940
Jussi Tiitola 1940-1941
Aarne Honkavaara 1941 a 1942
Matti Wasama 1942-1944
Henry Kvist 1944 a 1946
Teuvo Hellén 1946 a 1948
Kalle Havulinna 1948-1950
Lotfi Nasib 1950 a 1951
Aarne Honkavaara 1951 a 1952
Aarne Honkavaara e Jukka Wuolio 1952 a 1953
Juhani Ruusunen 1953 a 1954
Pentti Isotalo 1954-1957
Erkki Koiso 1957 a 1961
Raimo Kilpiö 1961 a 1962
Pentti Pynnönen 1962 a 1966
Lasse Oksanen 1966 a 1971
Jorma Peltonen 1971 a 1975
Seppo Ahokainen 1975 a 1976
Capitáns dende 1976
Nome(s) Periodo
Veikko Suominen 1976 a 1978
Veikko Suominen e Lasse Oksanen 1978 a 1979
Kari Järvinen 1979 a 1980
Lasse Oksanen 1980 a 1982
Matti Kaario 1982 a 1986
Jukka H 1986 a 1987
Risto Jalo 1987 a 1990
Risto Siltanen e Pasi Huura 1990 a 1991
Risto Jalo 1991 a 1992
Hannu Mattila 1992 a 1994
Ilkka Sinisalo e Timo Peltomaa 1994 a 1995
Hannu Henriksson 1995 a 1997
Hannu Mattila 1997 a 1999
Raimo Helminen 1999 a 2006
Raimo Helminen, Pasi Petriläinen e Raimo Helminen 2006 a 2007
Raimo Helminen 2007 a 2008
Pasi Määttänen 2008 a 2011
Martti Järventie 2011 a 2012
Martti Järventie e Erkki Rajamäki 2012 a 2013

Números retirados[editar | editar a fonte]

Números retirados dos Tampereen Ilves
Xogador Posición Carreira Referencias
2 Jarmo Wasama D 1960–66 [2]
7 Aarne Honkavaara F 1943-53 [3]
13 Risto Jalo C 1980-90
1991-92
1993-94
[4]
14 Lasse Oksanen RW 1960-75
1977-79
1980-82
[5]
16 Jorma Peltonen W 1962-75 [6]
30 Jukka Tammi P 1980-95 [7]
41 Raimo Helminen F 1982-85
1987-88
1996-2008
[8]

O número 24 non foi retirado oficialmente, mais non se usa. Foi impregado por última vez por Veikko Suominen, que se suicidou durante a tempada 1978–79.

Adestradores[editar | editar a fonte]

Dende a súa fundación en 1931 pasaron polo Ilves un bo número de adestradores, a excepción da tempada 1939-1940, na que o club non tivo actividade.[9]

  • Niilo Tammisalo (1931-1937)
  • Risto Lindroos (1937-1939)
  • Risto Lindroos (1940-1941)
  • Aarne Honkavaara (1941-1942)
  • Risto Lindroos (1942-1946)
  • Henry Kvist (1946-1949)
  • Risto Lindroos (1949-1952)
  • Aarne Honkavaara (1952 ata 03-01-1953)
  • Risto Lindroos (1952-1953)
  • Aarne Honkavaara (1953-1961)
  • Seppo Helle (1961-1964)
  • Rauli Virtanen (1964-1965)
  • Erkki Koiso (1965-1967)
  • Aarne Honkavaara (1967-1968)
  • Raimo Vasama (1968-1971)
  • Juhani Ruusunen (1971)
  • Len Lunde (24-10-1971 ata 26-12-1972)
  • Raimo Vasama (26-12-1972)
  • Raimo Vasama e Matti Reunamäki (1973-1974 ata 12-12-1974)
  • Raimo Vasama, Esko Mäkinen e Matti Reunamäki (12-12-1974 ata 30-01-1975)
  • Esko Mäkinen e Matti Reunamäki (30-01-1975 ata 1975-1976)
  • Juhani Ruusunen e Markku Hakanen (1976-1977 ata xaneiro de 1980)
  • Markku Hakanen e Seppo Hiitelä (xaneiro de 1980)
  • Raimo Määttänen e Leo Seppänen (1980-1981)
  • Raimo Määttänen e Seppo Hiitelä (1981-1982)
  • Seppo Hiitelä e Juhani Ruohonen (1982-1986)
  • Seppo Hiitelä e Kari Järvinen (ata 17-11-1986)
  • Matti Kaario e Pertti Kaukinen (dende 17-11-1986)
  • Sakari Pietilä e Matti Kaario (1987-1990)
  • Matti Kaario e Jorma Kurjenmäki (1990 ata 03-01-1991)
  • Seppo Hiitelä e Jorma Kurjenmäki (dende 03-01-1991)
  • Anatoli Bogdanov e Jorma Kurjenmäki (1991 ata 27-11-1992)
  • Jukka Jalonen e Heikki Vesala (dende 27-11-1992 ata 18-10-1994)
  • Heikki Vesala, Lasse Oksanen e Jarmo Tolvanen (dende 18-10-1994 ata 15-02-1995)
  • Jukka Jalonen, Lasse Annala e Lasse Oksanen (dende 15-02-1995)
  • Vladimir Jursinov Jr. e Lasse Annala (1995 ata 04-01-1997)
  • Vladimir Jursinov Jr. e Arto Nurmi (dende 04-01-1997)
  • Vladimir Jursinov Jr. e Matti Kaario (1997 ata 28-03-1999)
  • Matti Kaario (dende 28-03-1999)
  • Heikki Mälkiä ja Ari-Pekka Selin (1999-2001)
  • Ari-Pekka Selin ja Juha Pajuoja (2001 ata 21-10-2002)
  • Teijo Räsänen (dende 21-10-2002), dende o 25.10.2002 con Jukka-Pekka Annala
  • Vaclav Sykora e Jarmo Jamalainen (2003 ata 15-11-2004)
  • Curt Lindström e Jarmo Jamalainen (dende 15-11-2004)
  • Kari Eloranta ja Juha Pajuoja (2005-2006)
  • Kari Eloranta e Petteri Hirvonen (2006 ata 18-11-2006)
  • Petteri Hirvonen (dende 18-11-2006 ata 29-11-2006)
  • Sakari Pietilä e Petteri Hirvonen (dende 29-11-2006 ata 12-2-2008)
  • Sakari Pietilä, Petteri Hirvonen e Juha Pajuoja dende 12-2-2008)
  • Sakari Pietilä ja Juha Juujärvi (2008 ata 9-3-2010)
  • Juha Pajuoja, Raimo Helminen e Juha Juujärvi dende 9-3-2010)
  • Juha Pajuoja ja Raimo Helminen (2010 ata 30-10-2011)
  • Seppo Hiitelä e Raimo Helminen (dende 30-10-2011
  • Raimo Helminen e Vesa Viitakoski (2012 ata 23-1-2013)
  • Tuomas Tuokkola e Vesa Viitakoskiesa Viitakoski (dende 23-1-2013)

Notas[editar | editar a fonte]

  1. "HISTORIATILASTOT: KAPTEENIT KAUTTA AIKOJEN" (en finés). ilves.com. http://ilves.com/?page_id=721. Consultado o 25 de xuño de 2014.
  2. "Jarmo Wasama" (en finés). Suomen Jääkiekkomuseo. http://jaakiekkomuseo.vapriikki.fi/leijonat/wasama.htm. Consultado o 25 de xuño de 2014.
  3. "Aarne Honkavaara" (en inglés). Suomen Jääkiekkomuseo. http://jaakiekkomuseo.vapriikki.fi/english/honoured/honkavaara_e.htm. Consultado o 25 de xuño de 2014.
  4. "Risto Jalo" (en finés). Suomen Jääkiekkomuseo. http://jaakiekkomuseo.vapriikki.fi/leijonat/jalo.htm. Consultado o 25 de xuño de 2014.
  5. "Lasse Oksanen" (en inglés). Suomen Jääkiekkomuseo. http://jaakiekkomuseo.vapriikki.fi/english/honoured/oksanen_e.htm. Consultado o 25 de xuño de 2014.
  6. "Jorma Peltonen" (en finés). Suomen Jääkiekkomuseo. http://jaakiekkomuseo.vapriikki.fi/leijonat/peltonen_j.htm. Consultado o 25 de xuño de 2014.
  7. "Jukka Tammi" (en finés). Suomen Jääkiekkomuseo. http://jaakiekkomuseo.vapriikki.fi/leijonat/tammi.htm. Consultado o 25 de xuño de 2014.
  8. "Raimo Helminen" (en inglés). Suomen Jääkiekkomuseo. http://jaakiekkomuseo.vapriikki.fi/english/honoured/helminen_e.htm. Consultado o 25 de xuño de 2014.
  9. "HISTORIATILASTOT: VALMENTAJAT KAUTTA AIKOJEN" (en finés). ilves.com. http://ilves.com/?page_id=750. Consultado o 25 de xuño de 2014.

Véxase tamén[editar | editar a fonte]

Ligazóns externas[editar | editar a fonte]