Tahuata

Na Galipedia, a Wikipedia en galego.
Tahuata
Vista da illa
Tahuata Nasa.jpg
Datos
Capital Vaitahu
País Francia
Localización Océano Pacífico
Arquipélago Illas Marquesas
Linguas
Poboación (2007) 671 hab.
Superficie 61 km²
Densidade
Coordenadas 9°56′S 139°6′W / 9.933°S 139.100°W / -9.933; -139.100
Maior Altura 1.050 m. Amatea
Localización
Localización

Tahuata é unha illa das Marquesas. Está situada no grupo sur do arquipélago, a 3 km ao sur de Hiva Oa.

Xeografía[editar | editar a fonte]

Tahuata é a máis pequena das illas habitadas das Marquesas, cunha superficie de 61 km². A illa é moi montañosa, con profundos vales e cantiis. A altitude máxima está no monte Amatea de 1.050 metros. A orografía non permite a construción dunha pista de aterraxe e as comunicacións son vía marítima desde a illa veciña de Hiva Oa, separada pola canle de Bordelais de 3 km de ancho e unhas correntes de 20 nós.

A poboación total era de 682 habitantes no censo do 2002. A vila principal é Vaitahu, localizada no oeste da illa, capital da comuna que inclúe tamén a illa deshabitada de Moho Tani, outras vilas son Hapatoni, Motopu e Hanatetena.. A activitad principal é a agricultura e a artesanía.

Historia[editar | editar a fonte]

Os restos arqueolóxicos indican que Tahuata estaba habitada polos polinesios xa no século III. Na época pre-europea era considerada unha dependencia de Hiva Oa.

Vaitahu foi o lugar dos primeiros contactos das Marquesas cos europeos. En 1595 desembarcou Álvaro de Mendaña. Foi aquí onde chamou ao arquipélago "as Marquesas de Mendoza", e a illa "Santa Cristina". Unha serie de malentendidos provocou a masacre de 200 vítimas. O inglés James Cook chegou en 1774, e o francés Dupetit-Thouars en 1842, proclamou en Vaitahu a anexión das Marquesas a Francia. Posteriormente edificouse a primeira igrexa das illas.

A fala da illa é o dialecto Nuku da lingua marquesana.