Sylvinho

Na Galipedia, a Wikipedia en galego.
Sylvinho 1999 cropped.jpg

Silvio Mendes Campos Junior, coñecido como Sylvinho, nado o 12 de abril de 1974 en San Paulo, é un ex futbolista brasil. Xogaba de defensa e foi internacional coa selección brasileira.

Traxectoria[editar | editar a fonte]

Comezou a súa carreira no Corinthians onde militou cinco tempadas, nas cales gañou dúas Ligas e unha Copa do Brasil.

No ano 1999 deu o salto a Europa, sendo contratado polo Arsenal FC. No club inglés disputou a final da Copa da UEFA na que o Arsenal foi derrotado polo Galatasaray turco nos penaltis.

No ano 2001 chegou ao Celta de Vigo onde durante os anos que estivo en Vigo compartiu o posto de titular no lateral esquerdo con Juanfran. Sendo xogador do Celta, no ano 2002 formou parte da Selección de fútbol de Brasil que se alzou co Mundial de Fútbol Corea/Xapón 2002.

Co Celta tamén viviu outros momentos moi bos, como a clasificación para disputar a Liga de Campións da UEFA na tempada 2002–03, pese a que foron eliminados en oitavos de final polo Arsenal. Porén o ano seguinte pasou do ceo ao inferno ao pasar de disputar encontros da Champións League a que se consumase o descenso a Segunda División.

Tralo descenso Sylvinho non chegou a debutar en Segunda División xa que foi fichado polo FC Barcelona por catro millóns de euros, unha cantidade moi inferior ao prezo real do xogador. No equipo catalán gañou dúas Copas de Europa e tres Ligas, conseguindo na tempada 2008–09 o primeiro triplete da historia do fútbol español.

No verán de 2009 non renovou o contrato co Barcelona e fichou polo Manchester City inglés, onde permaneceu até o 8 de xuño de 2010. Abandonando o fútbol profesional.

Véxase tamén[editar | editar a fonte]

Ligazóns externas[editar | editar a fonte]