Susan Sontag

Na Galipedia, a Wikipedia en galego.
Susan Sontag
Nacemento16 de xaneiro de 1933
Lugar de nacementoNova York
Falecemento28 de decembro de 2004
Lugar de falecementoNova York
Causaleucemia e síndrome mielodisplásica
SoterradaCemiterio de Montparnasse
NacionalidadeEstados Unidos de América
Alma máterUniversidade de París, Universidade Harvard, Universidade de Oxford, Universidade de Chicago, Universidade de California en Berkeley, St Anne's College e North Hollywood High School
Ocupaciónescritora, directora de cine, guionista, profesora, ensaísta, novelista, filósofa, crítica literaria, xornalista, activista polos dereitos das mulleres, crítica de cinema, director teatral, Activista polos dereitos humanos, historiadora e xornalista de opinión
CónxuxePhilip Rieff
FillosDavid Rieff
Coñecida porOn Photography, Contra a Interpretação, Illness as Metaphor, AIDS and Its Metaphors e Under the Sign of Saturn
PremiosPremio Xerusalén, Premio Príncipe de Asturias das Letras, Prêmio da Paz do Comércio Livreiro Alemão, National Book Award, George Polk Award, Harvard Centennial Medal, Bolsa de estudos Guggenheim, Comendador das Artes e as Letras, Bolsa MacArthur, National Book Award for Fiction e Bolsa de estudos Guggenheim
Na rede
http://www.susansontag.com
IMDB: nm0814506 Allocine: 1819 Rottentomatoes: celebrity/susan_sontag Allmovie: p66899 Metacritic: person/susan-sontag TV.com: people/susan-sontag
Dialnet: 20589 Musicbrainz: 93161950-5f98-4a51-88d5-9d314b5844a9 Discogs: 691937 WikiTree: Rosenblatt-189 Find a Grave: 10183501 Editar o valor em Wikidata
editar datos en Wikidata ]

Susan Sontag, nada en Nova York o 16 de xaneiro de 1933 e finada na mesma cidade o 28 de decembro de 2004, foi unha novelista e ensaísta norteamericana. Aínda que se dedicou principalmente á súa carreira literaria e ensaística, exerceu a docencia e dirixiu filmes e obras teatrais.

Traxectoria[editar | editar a fonte]

Sontag, que recibiu ó nacer o nome de Susan Rosenblatt, naceu en Nova York. Era filla de dous xudeus americanos, Mildred Jacobsen e Jack Rosenblatt, o cal se dedicaba ó comercio de peles na China, onde faleceu a causa dunha tuberculose cando Susan contaba con cinco anos de idade. Sete anos despois, súa nai contraeu matrimonio con Nathan Sontag e desde ese momento Susan e a súa irmá Judith adoptaron o apelido do seu padrasto.

Sontag creceu en Tucson, Arizona e, posteriormente, nos Ánxeles, onde se graduou na North Hollywood High School, á idade de 15 anos. Proseguiu os estudos nas universidades de Berkeley, Chicago,París e Harvard.

Durante a súa estancia en Chicago, con 17 anos, Sontag contrae matrimonio con Philip Rieff, tras un noivado de tan só dez días. A parella tivo un fillo, David Rieff, quen se convertería posteriormente no editor de súa nai na editorial Farrar Straus and Giroux. O matrimonio entre Sontag e Riff tivo unha duración de oito anos, tras os cales se divorciaron en 1958.

Os últimos anos da súa vida mantivo unha relación de parella coa famosa fotógrafa Annie Leibowitz.

Sontag faleceu o 28 de decembro de 2004, no hospital Memorial Sloan Kettering de Nova York, á idade de 71 anos[1], debido a complicacións dunha Síndrome mielodisplásica que desembocou nunha leucemia mielóxena aguda. [Cómpre referencia]Susan sobrevivira anteriormente a un avanzado cancro de mama cando tiña 43 anos.[1]

Está enterrada no cemiterio parisiense de Montparnasse.

Obra[editar | editar a fonte]

Deuse a coñecer cunha recompilación de ensaios e artigos, Against interpretation and other essays (Contra a interpretación,1964), á que seguiron os ensaios Styles of radical will (1969), On photography (Sobre a fotografía, 1975), Illness as metaphor (A enfermidade como metáfora, 1978), Under the sign of Saturn (Baixo o signo de Saturno, 1980) e AIDS and its metaphors (A SIDA e as súas metáforas, 1989).

É autora tamén de varias obras narrativas (The Benefactor -O benefactor-, 1963; I, Etcetera - Eu etcétera-, 1978; The way we live now, 1991; The Volcano lover : a romance (O amante do volcán, 1995); In America: a novel -En América-, 2000.

Foi tamén directora de cinema. En 1974 rodou o documental Promised Lands e en 1983 Unguided Tour.[2][3][4]

Foi directora das obra teatral Xacobe e o seu amo, (Milan Kundera, 1985). En 1993 desprazouse a Saraxevo para montar a obra teatral Á espera de Godot (Samuel Beckett, 1949)[1]. En 2003 tamén escribiu Regarding the pain of others.

Premios[editar | editar a fonte]

Notas[editar | editar a fonte]

  1. 1,0 1,1 1,2 "Fallece Susan Sontag, la escritora del compromiso". elmundolibro.com (en castelán). Consultado o 18 marzo 2018. 
  2. Torres, Maruja (2 setembro 1983). "Susan Sontag: "Para mí el cine es una historia de amor, y mi marido es la literatura"". elpais.es. Consultado o 17 marzo 2018. 
  3. "Letter from Venice AKA Unguided Tour". IMDB. Consultado o 16 marzo 2018. 
  4. "Promised Lands". IMDB. Consultado o 16 marzo 2018. 

Véxase tamén[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo sobre literatura é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.