Supervivencia de motoneurona
| Supervivencia de motoneurona | |||||||||
|---|---|---|---|---|---|---|---|---|---|
 | |||||||||
| Identificadores | |||||||||
| Símbolo | SMN | ||||||||
| Pfam | PF06003 | ||||||||
| Pfam clan | CL0049 | ||||||||
| InterPro | IPR010304 | ||||||||
| SCOPe | 1mhn / SUPFAM | ||||||||
| |||||||||
A supervivencia de motoneurona ou SMN (do inglés Survival of Motor Neuron) é unha proteína de 294 aminoácidos implicada na ensamblaxe de snRNPs, que son os compoñentes esenciais da maquinaria do espliceosoma. Está codificada nos xenes SMN1 e SMN2, moi similares, situados respectivamente nas metades telomérica e centromérica dunha rexión de duplicación invertida do cromosoma 5. (Nótese que non están no centrómero e no telómero, senón na metade en dirección ao telómero e na metade en dirección ao centrómero). Unha falta de SMN debido á deleción do xene SMN1 orixina amplos defectos de splicing, que afectan especialmente ás motoneuronas espiñais, e é unha causa de atrofia muscular espiñal. A presenza da proteína funcional permite a supervivencia das motoneuronas, de aí o seu nome. As mutacións na proteína codificada no SMN2, aínda que é igual á SMN1, non están asociadas coa doenza.
A SMN tamén funciona na regulación transcricional, rexeneración da telomerase e tráfico celular.[2]
Un estudo de 2004 feito usando screening de alto rendemento atopou que o indoprofeno incrementa a produción da proteína supervivencia de motoneurona, o que suxire que pode ser de utilidade no tratamento das atrofias musculares espiñais.[3]
Posteriores investigacións atoparon que a SMN posiblemente exerce un papel na migración neuronal e na diferenciación celular neuronal.[4]
Conservación evolutiva[editar | editar a fonte]
A SMN está conservada evolutivamente incluíndo tamén o reino dos fungos, aínda que só os fungos cun gran número de intróns teñen o xene smn (ou o parálogo spf30). Sorprendentemente, estes son fungos filamentosos con micelios, o que indica unha analoxía cos axóns neuronais.[5]
Notas[editar | editar a fonte]
- ↑ Sattler, M.; Selenko, P.; Sprangers, R.; Stier, G.; Bühler, D.; Fischer, U. (2001). "SMN tudor domain structure and its interaction with the Sm proteins". Nature Structural Biology 8 (1): 27–31. doi:10.1038/83014. PMID 11135666.
- ↑ Singh, Natalia N.; Shishimorova, Maria; Cao, Lu Cheng; Gangwani, Laxman; Singh, Ravindra N. (2009-7). "A short antisense oligonucleotide masking a unique intronic motif prevents skipping of a critical exon in spinal muscular atrophy". RNA biology 6 (3): 341–350. ISSN 1555-8584. PMC 2734876. PMID 19430205.
- ↑ Lunn MR, Root DE, Martino AM; et al. (2004). "Indoprofen upregulates the survival motor neuron protein through a cyclooxygenase-independent mechanism". Chem Biol 11 (11): 1489–93. PMC 3160629. PMID 15555999. doi:10.1016/j.chembiol.2004.08.024.
- ↑ "Copia arquivada". Arquivado dende o orixinal o 15 de abril de 2015. Consultado o 15 de abril de 2015.
- ↑ Mier P, Pérez-Pulido AJ (2012). "Fungal Smn and Spf30 homologues are mainly present in filamentous fungi and genomes with many introns: implications for spinal muscular atrophy". Gene 491 (2): 135–41. PMID 22020225. doi:10.1016/j.gene.2011.10.006.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- SMN protein (spinal muscular atrophy) Medical Subject Headings (MeSH) na Biblioteca Nacional de Medicina dos EUA.
