Sudán - السودان
_highlighted.svg)
O Sudán (en árabe: السودان As-Sudaan) é un país africano. Limita ao norte con Exipto, ao leste co mar Vermello, por onde fai fronteira coa Arabia Saudí, Eritrea e máis Etiopía, ao sur con Sudán do Sur, e a oeste coa República Centroafricana, Chad e Libia. A súa capital é Cartum.
Índice |
Historia [editar]
Coñecido na Antigüidade como Nubia, o Sudán incorpórase ao mundo árabe coa expansión islámica do século VII. O sur escapa ao control musulmán e sofre incursións de cazadores de escravos. Entre 1820 e 1822, é conquistado e unificado polo Exipto e posteriormente entra na esfera de influencia do Reino Unido. En 1881 estoupa unha revolta nacionalista comandada por Muhammad Ahmed bin' Abd Allah, líder relixioso coñecido como Mahdi, que expulsa os ingleses en 1885. El morre logo despois e os británicos retoman o Sudán no 1898. No ano seguinte, a nación é sometida ao dominio exipcio-británico. Obtén autonomía limitada no 1953 e independencia total no 1956.
O Sudán é o maior país da África, e leva en guerra civil desde hai 46 anos. O conflito entre o goberno musulmán e guerrilleiros cristiáns e animistas, baseados no sur do territorio, revela as realidades culturais opostas da nación. A guerra e prolongados períodos de seca xa deixaron 1,5 millón de mortos.
A introdución da Sharía, a lei islámica, causou a fuga de mais de 350 mil sudaneses para países veciños. Entre outras medidas, a lei determina a prohibición de bebidas alcohólicas e castigos de enforcamento ou mutilación.
Desde o 2003, na rexión de Darfur está ocorrendo o Conflito de Darfur, producíndose un exterminio da poboación negra por parte de milicias árabes, co presunto apoio encuberto do goberno sudanés.
Xeografía [editar]
Os desertos da Nubia e da Libia e o clima árido predominan no norte, mentres que o sur está cuberto por sabanas e florestas tropicais. A bacía do río Nilo, que atravesa o territorio do Sudán, é fonte de enerxía eléctrica e de irrigación para as plantacións de algodón, principal produto de exportación, ao lado da goma-arábica.
Economía [editar]
- Artigo principal: Economía de Sudán.
A maioría da poboación do Sudán vive da agricultura de subsistencia e da pesca. Recentemente o petróleo tornouse un dos principais produtos de exportación do país, e ten estimulado un gran crecemento da economía.
Desde o 1997 o Sudán ten traballado co Fondo Monetario Internacional no sentido de implantar reformas económicas, incluíndo a flutuación da taxa de troco.
Cultura [editar]
| Data | Nome en galego | Nome local | Observacións |
|---|---|---|---|
Véxase tamén [editar]
|
||||||||
|
|||||
