Sudáfrica - Ningizimu Afrika

República de Sudáfrica1

Bandeira Escudo

Lema: !ke e: ǀxarra ǁke (ǀXam: Unidos na diversidade) Himno nacional: Nkosi Sikelel' iAfrika     Capital  • Poboación Pretoria (executiva) Cidade do Cabo (lexislativa) Bloemfontein (xudicial) Cidade máis poboada Xohanesburgo Linguas oficiais Africáner, inglés, ndebele, sesotho, sesotho sa leboa, setsuana, suazi, tsonga, venda, xhosa e zulú Forma de goberno Democracia constitucional Presidente Jacob Zuma Independencia  • Data do Reino Unido 31 de maio de 1910 Superficie  • Total  • % auga Fronteiras Costas Posto 25º 1.221.037 km² Desprezable 4.862 km 2.798 km Poboación  • Total  • Densidade Posto 25º 49.320.000 (2009) 41 hab./km² PIB (nominal)  • Total (2009)  • PIB per cápita Posto 22º US$ 287.219 millóns US$ 5.823 PIB (PPA)  • Total (2009)  • PIB per cápita Posto 25º US$ 505.214 millóns US$ 10.243 IDH (2009) 0,683 (129º) – Medio Moeda Rand (ZAR) Xentilicio Surafricano, surafricana Fuso horario  • en verán CET (UTC+2) CEST (UTC+3) Dominio de Internet .za Prefixo telefónico +27 Prefixo radiofónico S8A-S8Z Código ISO 710 / ZAF / ZA Membro de: UA, ONU, Commonwealth 1 Republic of South Africa é o seu nome oficial en inglés. Nas outras linguas oficiais do país o nome do estado é: • Africáner: Republiek van Suid-Afrika • Ndebele: iRiphabliki yeSewula Afrika • Xhosa: iRiphabliki yomZantsi Afrika • Zulú: iRiphabhuliki yaseNingizimu Afrika • Suazi: iRiphabhulikhi yeNingizimu Afrika • N. Sesotho: Repabliki ya Afrika-Borwa • S. Sesotho: Rephaboliki ya Afrika Borwa • Setsuana: Rephaboliki ya Aforika Borwa • Tsonga: Riphabliki ra Afrika Dzonga • Venda: Riphabuḽiki ya Afurika Tshipembe Tamén en galego: República de África do Sur. Tódolos países do mundo

Sudáfrica ou África do Sur é unha república situada no extremo sur do continente africano, cunha liña de costa de 2.798 quilómetros entre os océanos Atlántico e Índico. Limita ao norte con Namibia, Botsuana e Cimbabue; ao leste con Mozambique e Suacilandia; mentres que Lesoto é un país independente completamente rodeado polo territorio surafricano.

Sudáfrica é coñecida pola súa variedade de culturas e linguas, sendo recoñecidos pola súa constitución once idiomas oficiais, dos que dous son de orixe europea: o africáner, unha lingua que xurdiu principalmente do neerlandés, e o inglés surafricano. Aínda que o inglés é a lingua máis utilizada na vida pública e de negocios, é tan só a quinta lingua máis falada nos fogares.

Ademais das linguas, o país é tamén etnicamente diverso. Ao redor do 79,5% da poboación surafricana é de orixe negra africana, dividida nunha gran variedade de grupos étnicos que falan diferentes linguas bantús, nove das cales teñen carácter oficial. En Sudáfrica tamén viven grandes comunidades de europeos, hindús e etnicamante mixtas. Ao redor dunha cuarta parte da poboación carece de emprego e vive con menos de un euro ao día. Sudáfrica é tamén un dos membros fundadores da Unión Africana, da cal posúe a economía máis grande de tódolos membros. Tamén foi membro fundador das Nacións Unidas e é membro entre outras organización da Commonwealth de Nacións, da Organización Mundial do Comercio ou do Fondo Monetario Internacional.

Historia

Artigo principal: Historia de Sudáfrica.

África do Sur é un dos estados-nacións máis antigos de África. Cando os primeiros colonos neerlandeses chegaron a ela no 1652, a África do Sur estaba habitada por tribos africanas como os khoi, os san, os xhosa e os zulú. Inglaterra foi conquistando progresivamente o poder aos neerlandeses, contra os cales trabaron tres guerras: a guerra Anglo-Holandesa e mailas dúas guerras dos Boers. No 1910 as catro repúblicas da región unironse para formar a Unión da África do Sur. No 1931 a África do Sur tornouse un Dominio británico totalmente soberano. No 1961 tornouse nunha república.

Véxase tamén a historia do Apartheid

Política

O goberno surafricano funciona segundo un sistema parlamentario, se ben que o Presidente da África do Sur sexa ao mesmo tempo xefe de estado e xefe de goberno. O presidente é electo nunha sesión conxunta do parlamento bicameral, que consta dunha Asemblea Nacional (National Assembly), ou cámara baixa, e un Consello Nacional de Provincias (National Council of Provinces), ou cámara alta.

A Asemblea Nacional ten 400 membros, electos en representación proporcional. O Consello Nacional de Provincias, que substituíu ao Senado no 1997, está composto por 90 membros representando cada unha das nove provincias da África do Sur, alén das grandes cidades.

Cada provincia da África do Sur ten unha Lexislatura Provincial unicameral e un Consello Executivo liderado por un primeiro-ministro (premier).

Xeografía

Mapa da Sudáfrica.

A África do Sur ten unha paisaxe variada. Na parte occidental, esténdese unha gran meseta composta en parte por deserto e en parte por pastos e sabanas, cortada polo curso do río Orange e do seu principal afluente, o Vaal. Ao sur, érguense as cordilleiras do Karroo e, ao leste o Drakensberg, a maior cadea montañosa da África meridional. Ao norte, o curso do río Limpopo serve de fronteira coa Botswana e o Zimbabwe.

O clima varía entre unha pequena zona de clima mediterráneo, no extremo Sur, na rexión do Cabo, a desértico ao noroeste. No Drakensberg hai áreas con clima de montaña.

A maior cidade é Xohanesburgo. A Cidade do Cabo, Durban e Pretoria son outras cidades importantes.

Divisións administrativas

Mapa das provincias e distritos da Sudáfrica.

Northern Cape      North West      Gauteng      Limpopo      Mpumalanga

KwaZulu-Natal      Eastern Cape      Free State      Western Cape

Cando o apartheid rematou no 1994, o goberno surafricano tivo que integrar aos antigos ¨Bantustans¨ semi ou independentes na estrutura política de Sudáfrica. Para acabaren con isto, aboliron ás catro antigas provincias de Sudáfrica:(Cape Province, Natal, Orange Free State, e Transvaal) e substituíronas por outras nove. As novas prinvincias son moito máis pequenas cás antigas, teoricamente para darlle unha mellor facilidade ao goberno de cada unha sobre os distintos municipios.

As nove princias están dividas en 52 distritos, seis dos cales son áreas metropolitanas ou concellos de clase A e os 46 restantes distritos municipais ou concellos de clase C, á súa vez estes 46 distritos municipais divídense en 231 concellos locais ou concellos de clase B. As novas provincias son:

Provincia	Antigas provincias	Capital	Área (km²)	Área (mi²)	Poboación (2001)
O Cabo Oriental	Provincia do Cabo, Transkei, Ciskei	Bisho	169 580	65 475	6 436 761
Estado Libre	Estado Libre de Orange, QwaQwa	Bloemfontein	129 480	49 992	2 706 776
Gauteng	Transvaal	Xohanesburgo	17 010	6 568	8 837 172
KwaZulu-Natal	Natal, KwaZulu	Pietermaritzburg	92 100	35 560	9 426 018
Limpopo	Transvaal, Venda, Lebowa, Gazankulu	Polokwane	123 900	47 838	5 273 637
Mpumalanga	Transvaal, KwaNdebele, KaNgwane, Bophuthatswana, Lebowa	Mbombela	79 490	30 691	3 122 994
O Cabo Setentrional	Provincia do Cabo	Kimberley	361 830	139 703	822 726
Noroeste	Transvaal, Provincia do Cabo, Bophuthatswana	Mafikeng	116 320	44 911	3 669 349
O Cabo Occidental	Provincia do Cabo	Capetón	129 370	49 950	4 524 335
Total			1 219 080	470 688	44 819 768

Economía

Artigo principal: Economía de Sudáfrica.

A África do Sur é un dos maiores produtores de ouro e diamantes. Existen grandes diferenzas entre a poboación de orixe europea, máis rica, e a poboación de orixe africana, máis pobre.

Cultura

Linguas

Sudáfrica ten 11 linguas oficiais : inglés, afrikaans, zulú, swati, ndebele, linguas sesotho do norte e do sur, Tsonga, tswana , venda e xhosa.

O país recoñece ademais oito non oficiais: fanagalo, lobedu, ndebele, phuthi, lingua de signos sudafricana, khoe, nama e san. Éstas pódense usar en certos usos oficiais en áreas limitadas onde se determinou que estas linguas prevalecen.

Feriados

Data	Nome en galego	Nome local	Observacions

Véxase tamén

Outros artigos

• África
• Lista de países
• Apartheid