Sucesión ecolóxica

Na Galipedia, a Wikipedia en galego.
Exemplo de sucesión secundaria

En Ecoloxía chámase sucesión ecolóxica á evolución que de maneira natural se produce nun ecosistema pola súa propia dinámica interna. O termo alude a que o seu aspecto esencial é a substitución dunhas especies por outras. O proceso pódese iniciar produto de fenómenos naturais ou antropoxénicos como a agricultura.

A sucesión segue regras xerais nas que determinados parámetros tenden, según o caso, a maximizarse ou minimizarse. En calquera caso a sucesión produce ecosistemas cada vez máis estables e máis resistentes ás perturbacións, así que adoita describirse como un proceso de maduración. O estado máis ou menos ideal ao que apuntan os cambios da sucesión se chama clímax. Esta sucesión pode dividirse en diferentes etapas. As especies de cada etapa poden ser diferentes ou poden vivir en diferentes estratos na comunidade do clímax. Existen dous tipos de sucesións:

Hai tres fases na sucesión:

  • 1.Comunidade pioneira
  • 2.Comunidades intermediarias
  • 3.Comunidade clímax

Nunha sucesión temos inicialmente as comunidades pioneiras (primeiros seres vivos que ocupan un substrato), seguido por comunidades intermediarias que presentan un nivel maior de diversificación e, finalmente a comunidade clímax, cando a comunidade chega ao seu máximo grao de desenvolvemento e equilibrio.

Inicialmente temos un predominio de seres autótrofos e especies de fácil dispersión.