Stephen Hales

Na Galipedia, a Wikipedia en galego.
Hales Stephen.jpg

Stephen Hales, nado en Kent (Inglaterra) o 17 de setembro de 1677 e finado en Teddington o 4 de xaneiro de 1761, foi un fisiólogo, químico e inventor de orixe británica. Hales estudou o papel do aire e a auga no mantemento da vida animal e vexetal. Deu os primeiros rexistros do movemento da auga nas plantas e demostrou que as plantas absorben aire. Descubriu os perigos de respirar aire viciado e inventou un ventilador que melloraba os índices de supervivencia dos traballadores de barcos, hospitais e prisións. Tamén se lle adxudican avances nos sistemas de recolección de gases.