Stans

Na Galipedia, a Wikipedia en galego.

Stans é unha comuna suíza, capital do cantón de Nidwalden, localizada no centro do cantón. Limita ao norte con Stansstad, ao leste con Ennetbürgen, Buochs e Oberdorf, ao sur con Dallenwil, e ao oeste con Ennetmoos.

A localidade de Niederdorf tamén fai parte do territorio comunal.

Historia[editar | editar a fonte]

Stans foi mencionado por porimera vez en 1172. En 1798 foi atacado polas tropas francesas, logo de que Nidwalden non aceptase a nova constitución esixida por Napoleón. Foi nesta cidade onde Pestalozzi creou a súa primeira escola para orfos. A celebración da asemblea municipal (Landsgemeinde) foi celebrado ata 1997, data na cal foi abolida.

Industria[editar | editar a fonte]

Ten unha poboación de 7300 persoas, das cales o 12% é de nacionalidade estranxeira (2002). Hai 650 negocios locais que empregan a 6900 persoas. O 2% destes están no sector agrícola, o 37% en industria e comercio, e o 61% en servizos.

Stans é a sede do fabricantes de avións Pilatus Aircraft.

Paisaxes[editar | editar a fonte]

As vistas principais de Stans son: a montaña e centro turístico de Stanserhorn (1900m), a praza principal (Dorfplatz), e a parroquia San Pedro e San Paulo (construída entre 1641 e 1647) a cal ten unha torre de estilo romanesco, o mosteiro de Santa Clara, o monumento do heroe local Winkelried, o seu lugar do nacemento (Winkelriedhaus), un mosteiro de Capuchinos, unha casa de almacenaxe de sal, e unha vella ruela (Schmiedgasse).

Véxase tamén[editar | editar a fonte]

Ligazóns externas[editar | editar a fonte]