Soto, Colombia

Soto é o nome dunha antiga provincia colombiana, que estaba situada no departamento de Santander.

Foi creada polo goberno da república en 1832, e tivo entidade ata que en 2005 o goberno decidiu crear as provincias de Soto Norte e Metropolitana, para dividir a antiga de Soto. Ademais, o concello de Sabana de Torres pasa a depender da provincia de Mares, ao igual cá parte meridional de Rionegro.

Os concellos que chegaron a integrar Soto eran Bucaramanga, Floridablanca, Girón, Piedecuesta, Lebrija, Los Santos, Santa Bárbara, El Playón, Matanza, Suratá, California, Vetas, Tona, Charta e Rionegro.