Sopa de miso
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A sopa de miso (味噌汁, misoshiru) é unha sopa xaponesa cuxo principal ingrediente é o miso, que ao tempo dálle o seu nome. É un dos pratos principais da gastronomía xaponesa.
Ingredientes e elaboración[editar | editar a fonte]
A sopa de miso está composta por dous ingredientes esenciais: o dashi (caldo de peixe) que é a base da sopa e o miso (masa aromatizada de soia) que se disolve no dashi. Adóitanse usar dous tipos distintos de miso, o Shiro-Miso (branco, suave e con pouco sal) ou o Aka-Miso (vermello, forte e salgado).
Os ingredientes máis habituais nesta sopa son o Tōfu en forma de cubiños, as algas wakame e a ceboliña ou porro. Pode levar outros ingredientes coma verduras (patacas, cenoria, daikon, repolo etc), carnes, peixes ou cogomelos.
Costumes[editar | editar a fonte]
Esta sopa é un acompañamento básico da gastronomía xaponesa que se serve en almorzos, xantares e ceas. Nunca se serve como prato único e adoita acompañar o arroz branco e un ou dous pratos máis. No inverno adoita acompañar comidas frías coma o suxi.
É habitual servila en pequenas cuncas lacadas para bebela directamente delas sen utilizar culler, aínda que os ingredientes sólidos se coman cos pauciños.
Variedades[editar | editar a fonte]
Existen numerosas variedades dependendo das rexións do Xapón que teñen os seus propios ingredientes e tipos de miso. Inda que é un prato tradicional moi antigo comezouse a consumir popularmente a partir do período Muromachi (1392-1573).