Sociedad Atlética Redondela
| S.A.R | |||
|---|---|---|---|
 | |||
| Nome completo | Sociedade Atlética Redondela | ||
| Cidade |  Redondela, Galicia | ||
| Fundado | 1963 | ||
| Pavillón | Pavillón municipal de Redondela Redondela | ||
| Presidente | Aurelio Krook Moldes | ||
| Adestrador | Manuel Fernández Lago e Verónica Posada Bouzón | ||
| Competición | División de Honor Plata (F) Primeira Autonómica (M) | ||
| Cores | Negro e verde | ||
| Na rede | |||
| http://sarbalonman.blogspot.com.es | |||
    | |||
| |||
| Sitio web Sitio web oficial | |||
A Sociedade Atlética Redondela, tamén coñecida polo seu acrónimo S.A.R. Balonmán, é un equipo de balonmán da vila pontevedresa de Redondela. Por motivos de patrocinio, na tempada 2022-2023 denomínase S.A.R Plastic Omnium o equipo masculino e S.A.R. Rodavigo o feminino.[1] Foi fundado o 6 de agosto de 1963, malia que non se produciu o debut en competicións oficiais até 1964. O seu primeiro presidente foi Pedro Regojo Otero, fundador da empresa téxtil homónima, quen tamén patrocinaba ao equipo.
Na tempada 2022-2023 milita na Primeira Nacional o equipo masculino, e en División de Honor Prata o equipo femenino. Xoga os seus partidos como local no Pavillón municipal de Redondela en Redondela.
Historia[2][editar | editar a fonte]
En 1963, cando falar de hóckey ou tenis era sinónimo de ser políglota, un grupo de mozos de Redondela decidiu apostar polos deportes minoritarios. Con fe, como nacen os proxectos humildes, e con poucas horas de sono, logrou instituírse o que desde un comezo se chamou a Sociedade Atlética de Redondela, ou a SAR, familiarmente.
Moitas ilusións, quizais demasiadas, aínda que sexa para comezar de xeito contundente, fixeron desta esperanza unha realidade plural e extensa. A SAR significaba, modestamente, a actividade deportiva e cultural de todo o pobo: campionatos de atletismo ou natación, torneos de xadrez, exposicións de pintura, festivais musicais, etc.
Un ano despois do primeiro empurrón xorde a sección de balonmán, e con ela unha filosofía e un club que perdura aínda hoxe. Cos atrancos económicos propios de calquera inicio, os distintos equipos foron achegando o seu esforzo e compromiso, de tal xeito que na actualidade as novas xeracións de xogadores poden gozar da oportunidade de participar en competicións de grande nivel.
Pouco a pouco foise afianzando como un dos equipos históricos do balonmán galego, e soubo sempre manterse entre os privilexiados. Sen grandes aspiracións económicas logrou, aínda así, fitos importantes: en primeiro lugar, consolidar o seu sitio en Primeira Nacional, e en segundo lugar regalar á súa afección inesquecibles tempadas en división de honra B, sen dúbida algo impensable cando naceu, case coma unha complicidade entre amigos coa idea dunha cor.
A primeira directiva, constituída en 1963, estaba formada por:
- Presidente: Pedro Regojo Otero
- Vicepresidente: Lino Velo Amaro
- Secretario: Antonio Soto López
- Tesoureiro: Alfonso Figueiral Hermida
- Vogais: Telmo Tojeiro Pérez, Jose A. Paz Núñez, Jesús Pérez Varela, Olimpio Giráldez Lera, Alfonso Pereira Fernández.
- Vogais colaboradores: Severo Rivas Tojeiro, Gumersindo Guedella Sandoval, Generoso Cabaleiro Muíños e Manuel Cabaleiro Alfonso.
Catro anos máis tarde, cando o equipo masculino xa tivera unha bagaxe de tres anos dende o seu primeiro partido oficial, formouse a categoría absoluta feminina do club.
Na tempada 2017/2018 e equipo infantil masculino, dirixido por Iván Vázquez e por Lucas Bouzón, que estaba na segunda categoría na que quedou primeiro na liga do grupo do sur, por este resultado na liga disputouse un torneo en Arteixo no que resulto campión de dicho playoff o que lle permitiu a opción de disputar o playoff de acceso ao campionato de España. Neste campionato que se disputou en Cangas logrou quedar entre os dous primeiros o que lle permitiu acceder ao campionato de España de balonmán nesa categoría.
Escudo e cores[editar | editar a fonte]
O escudo da SAR fica conformado por unha esfera con fondo branco sobre a que se asenta unha cuncha de vieira amarela, con trazos negros nas marxes. Na periferia da circunferencia branca, e arrodeándoa, debúxase unha liña verde que percorre o perímetro case na súa totalidade, unicamente interrompida polas siglas "SAR" en cor negra e maiúsculas.
Cando a SAR xoga os seus partidos como local, independentemente da categoría, os partidos dispútanse cunha camisola verde e un pantalón negro. Cando e necesario usar o segunda equipamento, esta conformase por un pantalón negro e unha camiseta negra.
Equipos Sénior[editar | editar a fonte]
Masculino[editar | editar a fonte]
Na tempada 2023-2024 o equipo masculino de Primeira Autonómica está conformado polos seguintes xogadores:
|
|
Adestradores[editar | editar a fonte]
Feminino[editar | editar a fonte]
Na tempada 2022-2023 o equipo feminino de División de Honor Prata está conformado polas seguintes xogadoras:
|
|
Adestradores[editar | editar a fonte]
Palmarés[editar | editar a fonte]
Categorías inferiores[3][editar | editar a fonte]
Se hai algo que caracterizou a SAR dende a primeira pedra é a súa filosofía: clara e firme. E todas as etapas polas que atravesa evidencian esta tendencia que é un selo de carácter ou, máis ben, unha aposta e unha ilusión.
Dende as categorías inferiores ata o primeiro equipo todo se vai enfiando a partir do mesmo punto: confiar a base do grupo á xente da casa, isto é, depositar a responsabilidade na xente nova de Redondela, co fin de crear unha entidade que represente fielmente a vila, cun gran poder identitario.
Pero aínda hai máis: trátase de construír unha verdadeira escola para o deporte coa que formar e dar saídas aos nenos e nenas dende idades moi temperás. Unha posibilidade de sa diversión que se inclúe xa dende o ensino máis básico nas escolas.
Por suposto, esta iniciativa, esta maquinaria, necesita dunha perfecta engrenaxe, e dende a SAR promóvese unha motivación esencial: a implicación.
A implicación aparece cando non fai falta buscar, cando todo se move nunha mesma dirección. Neste sentido o club nútrese dos seus propios membros para organizarse: son xogadores, directivos e persoas do contorno próximo que se converten en adestradores, delegados ou monitores, proporcionando o capital humano necesario para dar resposta a todas as necesidades.
Froito deste traballo colectivo atopamos o que se coñece hoxe como a SAR, un total de dezaseis equipos que inclúen: un Sénior masculino en Primeira Nacional, e un feminino en División de Honor Plata; un Sénior masculino en Segunda autonómica; un xuvenil masculino e un feminino na liga galega; un cadete feminino e un masculino na liga galega; un infantil feminino e un masculino na liga galega; tres alevíns e tres benxamíns mixtos en liga provincial; e ademais as escolas deportivas cunha importante canteira de promesas.
Os éxitos máis recentes da base na sección masculina foi o acceso ó campionato de España na categoría infantil na tempada 2017/2018, e na sección feminina foron o acceso ó campionato de España xogado en Redondela na categoría infantil na tempada 2015/2016 e o acceso ó campionato de España na categoría xuvenil na tempada 2014/2015.
Notas[editar | editar a fonte]
- ↑ Federacón Galega de Balonmán (ed.). "Team Card". Arquivado dende o orixinal o 18 de agosto de 2017. Consultado o 17 de agosto de 2017.
- ↑ "HISTORIA". sarbalonman.blogspot.com (en castelán). Consultado o 2022-03-24.
- ↑ "QUENES SOMOS?". sarbalonman.blogspot.com (en castelán). Consultado o 2022-03-24.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Sociedad Atlética Redondela  |
Ligazóns externas[editar | editar a fonte]
● Información na RFEBM do equipo masculino
● Información na RFEBM do equipo femenino