Smolensk

Na Galipedia, a Wikipedia en galego.

Coordenadas: 54°46′58″N 32°2′43″E / 54.78278°N 32.04528°E / 54.78278; 32.04528

Smolensk
Смоленск (en ruso)
Flag of Smolensk Oblast.png Coat of Arms of Smolensk (Smolensk oblast) (2001).png
Smolensk train station.jpg
Estación de tren de Smolensk
Situación xeográfica
Rusia (Europa)
Smolensk
Smolensk
País Rusia Rusia
Distrito Federal Central
Óblast Óblast de Smolensk
Xeografía
Altitude 240 msnm
Superficie 166,35 km² km²
Poboación
Poboación 326.861 hab. (2010)
Densidade 1.965 hab./km²
Información
Código postal 214ХХХ
Alcalde Vladislav Khaletski
Páxina web Páxina Oficial

Smolensk (transliterado do rusoСмоленск[smɐˈlʲensk] (AFI)Smolensk ru.ogg escoitar) é unha cidade da Rusia occidental, localizada xunto ao Río Dniéper, e é a capital administrativa do óblast de Smolensk. A súa poboación en 2003 era de 351.100 habitantes. Situada a 360 quilómetros ao suroeste de Moscova, esta cidade murada foi destruída varias veces ao longo da historia. Estaba nas rutas de invasión de Napoleón e Hitler.

Economía[editar | editar a fonte]

Estación ferroviaria de Smolensk

A cidade é un importante nó ferroviario e un destacado centro comercial, cultural e industrial. Na súa industria predominan os produtos para a construción de estradas, a maquinaria, os téxtiles e os produtos alimenticios. Os edificios de carácter histórico da cidade son dúas igrexas do século XII e a catedral da Asunción dos séculos XVII e XVIII.

Historia[editar | editar a fonte]

Etimoloxía[editar | editar a fonte]

O nome da cidade deriva do nome do Smolnya Rivulet. A orixe deste hidrónimo é menos claro. Unha posibilidade atópase na palabra eslava para terras negras. Outra alternativa é a palabra rusa smolá, que significa resina ou brea.

Orixes[editar | editar a fonte]

Smolensk é unha das cidades máis antigas de Rusia, empezou sendo un asentamento comercial fortificado. A primeira mención data de 863, dous anos logo da fundación da Rus de Kiev. Segundo a Crónica de Néstor, Smolensk era a capital dos Kríviches. En 882 foi tomada por Oleg de Nóvgorod, no seu paso de Nóvgorod a Kiev. O pobo xa fora tomado dúas décadas antes polos capitáns varegos Askold e Dir, cando na súa viaxe a Kiev decidiron facerse coa cidade e a súa gran poboación.

A primeira mención estranxeira foi do Emperador Constantine Porfirogenitus. En De Administrando Imperio describe Smolensk como unha peza crave na ruta dos Varegos aos Gregos.

O principado de Smolénsk foi fundado en 1054. Pola súa posición centrada nas terras rusas, a cidade desenvolveuse rápidamente. A finais do século XII o principado era un dos máis fortes de Europa Oriental, sendo así que a dinastía de Smolénsk controlaba o trono da Rus de Kiev. Numerosas igrexas foron erigidas nese tempo, incluíndo a de San Pedro e Pablo e a de San Juan Bautista. A máis notable é unha que se chama Svírskaya; foi admirada polos seus contemporáneos como a estrutura máis bela da Rus.

Entre a Rusia Imperial e Mancomunidade polaco-lituana[editar | editar a fonte]

Aínda que vencida polos exércitos mongois en 1240, e debendo pagar tributo á Horda de Ouro, Smolensk gradualmente converteuse nun conflito entre o Gran Ducado de Lituania e o Principado de Moscova. Foi tomada por Vytautas de Lituania, en 1395, 1404 e 1408. Logo da incorporación ao Gran Ducado, algúns boyardos de Smolensk mudáronse a Vilna; descendentes dos príncipes fuxiron a Moscova.

Cunha poboación de 10.000 persoas, Smolensk converteuse na cidade máis grande da Lituania do século XV. Tres rexementos de Smolensk foron decisivos na Batalla de Grünwald en contra de Livonia. Lituania sufriu un severo golpe cando foi reconquistada por Basilio III de Moscova en 1514.

Para repeler os ataques da Mancomunidad polaco-lituana, Boris Godunov fortificou a cidade. O kremlin de pedra foi construído en 1597-1602. É o máis grande de Rusia. As súas fortes paredes e numerosas torres de vixilancia non evitaron que a mancomunidade, en 1611, logo dun longo asedio de vinte meses, durante a guerra ruso polaca (1605-1618). A debilitada Moscova cedeu o principado á mancomunidade na Verdade de Deulino e polos seguintes 43 anos foi a capital da Voivodia de Smolensk. Para recapturar a cidade, Moscova lanzou a "Guerra de Smolensk" contra a mancomunidad en 1632. Logo da terrible derrota sufrida a mans do rei Ladislao IV de Polonia, a cidade quedouse en mans da mancomunidade. As hostilidades renováronse en 1654 cando a mancomunidade foi sacudida pola rebelión cosaca e a invasión sueca. Logo doutro o 23 de setembro de 1654 Smolensk foi recapturada por Rusia. En 1667 polo Tratado de Andrusovo a Mancomunidad polaco-lituana finalmente renuncio a Smolensk.

Historia moderna[editar | editar a fonte]

Monumento das Aguias

En agosto 1812 tiveron lugar dúas das máis grandes batallas por parte da Grande Armée. Durante unha destas batallas, León Tolstói baseouse para escribir a obra ''Guerra e Paz''. As perdas totais foron estimadas en 30.000 homes. No centro de Smolénsk destaca o monumento de Aguias, construído en 1912 para marcar o centenario da Invasión napoleónica de Rusia.

Durante a Segunda Guerra Mundial Smolénsk foi outra vez escenario dunha das maiores batallas da guerra, a Batalla de Smolensk. En agosto 1941 o exército vermello realizou unha contraofensiva contra o exército alemán. Máis do 93 % da cidade foi derruída durante esta loita. En 1985, 40 anos logo da guerra, foille concedida á cidade o título de Cidade Heroica.

Véxase tamén[editar | editar a fonte]

Ligazóns externas[editar | editar a fonte]