Sistema de coordenadas

Un sistema de coordenadas é un conxunto de valores que permiten definir univocamente a posición de calquera punto dun espazo xeométrico respecto dun punto denominado orixe. O conxunto de eixos, puntos ou planos que conflúen na orixe e a partir dos cales se calculan as coordenadas constitúen o que se denomina sistema de referencia.

Sistemas usuais [editar]

Sistema de coordenadas cartesianas [editar]

As coordenadas cartesianas defínense por dous eixos cando se trata de fixar puntos no plano, e por tres no espazo. Considéranse eixos mutuamente perpendiculares que se cortan na orixe. As coordenadas dun punto calquera virán dadas polas proxeccións da distancia entre o punto e maila orixe sobre cada un dos eixos.

Sistema de coordenadas polares [editar]

As coordenadas polares defínense por un eixo que pasa pola orixe (chamado eixo polar). A primeira coordenada é a distancia entre a orixe e o punto considerado, mentres que a segunda é o ángulo que forman o eixo polar e a recta que pasa por ambos os puntos.

Sistema de coordenadas cilíndricas [editar]

O sistema de coordenadas cilíndricas é unha xeralización do sistema de coordenadas polares plano, ao que se engade un terceiro eixo de referencia perpendicular aos outros dous. A primeira coordenada é a distancia existente entre a orixe e o punto, a segunda é o ángulo que forman o eixo e a recta que pasa por ambos puntos, mentres que a terceira é a coordenada que determina a altura do cilindro.

Sistema de coordenadas esféricas [editar]

O sistema de coordenadas esféricas está formado por tres eixos mutuamente perpendiculares que se cortan na orixe. A primeira coordenada é a distancia entre a orixe e o punto, sendo as outras dous os ángulos que é necesario xirar para alcanzar a posición do punto.