Simon Neil
| Simon Neil | |
|---|---|
 | |
| Nome completo | Simon Alexander Neil |
| Data nacemento | 31 de agosto de 1979 (44 anos) |
| Nado en | Irvine, North Ayrshire  |
| Ocupación | cantante, cantautor e guitarrista |
| Instrumento(s) | voz, guitarra |
| Relacionado con | Biffy Clyro, Marmaduke Duke |
| Na rede | |
| https://www.biffyclyro.com/ | |
    | |
| [ editar datos en Wikidata ] | |
Simon Alexander Neil (nado o 31 de agosto de 1979 en Irvine, North Ayrshire) é un guitarrista e vocalista escocés coñecido polo seu traballo nas bandas Biffy Clyro e Marmaduke Duke.
Traxectoria[editar | editar a fonte]
Simon Neil formou Biffy Clyro en 1995 aos 15 anos de idade recrutando a Ben Johnston e a un batería chamado Barry, facéndose chamar Screwfish. Barry foi substituído ao pouco tempo por James Johnston, o irmán xemelgo de Ben, completándose a formación actual de Biffy Clyro. En 1996, o trío trasladouse a Glasgow, onde Neil estudaba electrónica musical na universidade. Tamén estudou cine e televisión durante un ano antes de adicarse enteiramente á música. No ano 2000, foi vista no escenario de bandas sen selo do festival T in the Park por un representante de Beggars Banquet, e pouco despois acabarían asinando un contrato co selo.
Biffy Clyro leva editados dende entón cinco álbums, asinou cunha grande discográfica, e xirou sen descanso. Neil afirmou que as letras de Biffy Clyro adoitan a saír de frases que escribe nun caderno que ten na súa cama.
Neil tamén toca con JP Reid da banda de Ayrshire Sucioperro en Marmaduke Duke, baixo o seudónimo "The Atmosphere", editando o seu primeiro álbum, The Magnificent Duke, no ano 2005.
O 11 de maio do ano 2009 o dúo editou o seu segundo álbum de estudio, Duke Pandemonium, e na actualidade están traballando na súa continuación (que tamén será o final dunha triloxía), chamado The Death of the Duke.
