Silverio Cerradelo

Silverio Cerradelo

Biografía
Nacemento	1964 (59/60 anos) Ourense, España
Datos persoais
País de nacionalidade	España
Formación profesional	Veterinaria e Filoloxía Galega
Educación	Universidade Autónoma de Barcelona
Actividade
Ocupación	escritor
Xénero artístico	narrativa
Lingua	Lingua galega

Silverio Cerradelo Gómez, nado en Ourense en 1964, é un escritor galego.

Traxectoria

Licenciado en Veterinaria e Filoloxía Galega na Universidade Autónoma de Barcelona, ten traballado sobre todo con fauna salvaxe. Foi membro dos grupos de teatro universitario galego de Barcelona. Traballou tamén como tradutor, como xornalista (colaboracións na revista Integral, en El Periódico de Barcelona e en Vieiros) e en temas de educación ambiental. Dirixiu o proxecto educativo Contacontos nos Pireneos e na cordilleira Cantábrica, para a sensibilización sobre o oso pardo, patrocinado polo WWF/Adena (Fondo Mundial para a Natureza), que durou máis de dous anos. É impulsor do proxecto na rede A Chave.

Obras

Literatura infanto-xuvenil

• A historia da Bavar e do Kiwi, os osos do hospital de fauna de Vallcalent, 2001, publicado en catalán, castelán, éuscaro, occitano, aragonés e galego.

Narrativa

• Os paxaros tamén migran ao sur, 2007, Xerais.

Traducións

• Introducción á fonética: o son na comunicación humana, de Eugenio Martínez Celdrán, 2002, Galaxia. Con Sabela Labraña.

Premios

• Premio Terra de Melide en 2006, por Os paxaros tamén migran ao sur.